З Вялікаднем!

Паважаныя вернікі каталіцкай канфесіі!
Сардэчна віншуем вас са светлым святам Вялікадня!
Таінства хрысціянскага свята, яго глыбокі маральны сэнс аб’ядноўваюць усіх нас у імкненні да духоўнага росту, у жаданні тварыць справы міласэрнасці, дзяліцца паміж сабою душэўным цяплом.
Свята Вялікадня асабліва шануецца беларускім народам, яно ўмацоўвае гістарычныя традыцыі, усяляе ў сэрцы людзей цёплыя пачуцці адзінства, сяброўства, садзейнічае міру і згодзе ў нашым грамадстве.
У гэтыя радасныя, святочныя дні шчыра жадаем усім моцнага здароўя, узаемаразумення, добрага настрою. Няхай Вялікдзень падорыць вам надзею, дасць сілы пераадолець цяжкасці і нягоды, прынясе раўнавагу, спакой і дабрабыт у кожны дом.
Раённы выканаўчы камітэт.
Раённы Савет дэпутатаў.