У Карэліцкай раённай бібліятэцы прайшла агульнаадукацыйная дыктоўка, прысвечаная Дню роднай мовы
З нагоды Міжнароднага дня роднай мовы ў чытальнай зале ДУК «Карэліцкая раённая бібліятэка» сабраліся вучні школ райцэнтра, актыўныя чытачы, работнікі культуры.
Тут арганізавана выстава «Гімн роднай мове», якая ўключае тры раздзелы: «Ад прадзедаў спакон вякоў…», «Развіццё беларускай мовы», «Нашы любімыя беларускія творы».
Адкрываецца сустрэча прадастаўленнем відэароліка пра Сінявокую Беларусь і гучаннем знаёмых радкоў «Мой родны кут, як ты мне мілы…»
Бібліятэкар Валянціна Іванаўна Кошур, вядучы згаворку пра шлях развіцця роднай мовы, заклікае яе вывучаць, пашыраць, распрацоўваць, бо матчына мова — найвялікшы скарб.
Пра прыгажосць роднай мовы, уклад беларускіх пісьменнікаў у яе развіццё, адносіны да народнага скарбу гаварыла ў сваёй прамове начальнік аддзела ідэалагічнай работы, культуры і па справах моладзі райвыканкама Іна Міхайлаўна Санчук. «Калі мы будзем берагчы мову, то мы будзем берагчы спачыну», — сказала прамоўца.
Член Саюза пісьменнікаў Рэспублікі Беларусь Святлана Андрэеўна Кошур заклікала прысутных авалодваць роднай мовай. Па яе меркаванні, трэба пачынаць з саміх сябе. Прачытаўшы верш пра родную мову, запрасіла прысутных напісаць агульнанацыянальную дыктоўку. «Акрамя таго, гэты тэкст павінен вам спадабацца і закрануць вас», — сказала Святлана Андрэеўна. Сапраўды: мова наша чыстая і мілагучная, і трэба яе шанаваць.
Галіна СМАЛЯНКА.
Фота Аксаны ЯНУШ.
