Таисия Новик из агрогородка Оюцевичи: Навещайте родителей, не жалейте для них искренних слов и помогайте во всем!

Спакойная і шчаслівая старасць: жыць ва ўтульным і цёплым доме, адчуваць клопат родных і дапамогу мясцовай улады, прадстаўнікоў раённых службаў у вырашэнні ўзнікаючых праблем.

Таіса Іванаўна НОВІК,
жыхарка аграгарадка Аюцавічы:

— Вось і да нас, жыхароў аграгарадка, наведаліся ў гэты раз прадстаўнікі мясцовай улады і пажарнай службы раёна. Шмат цікавага на дваровым сходзе і карыснага расказалі пра тое, як трэба паводзіць сябе ў быце, і якія меры прымаць, каб засцерагчы сябе ад розных бедаў. Такая інфармацыя вельмі патрэбная для нас.

Галоўнае ў жыцці чалавека — гэта сям’я. У мяне трое дзяцей і шасцёра ўнукаў, таму я не лічу сябе адзінокай. Самаму старэйшаму ўнуку Паўлу дваццаць чатыры гады, а малодшаму Мацвею мінула тры гады. Дачка Святлана жыве ў аграгарадку Аюцавічы і кожны дзень наведваецца да мяне. Астатнія дзеці і ўнукі таксама не забываюць — прыязджаюць у родны дом, часта тэлефануюць, а таксама дапамагаюць. Да прыкладу, у мінулым годзе ўзнікла праблема з газавым катлом. Яны патэлефанавалі ў газавую службу раёна — і пытанне было вырашана.

Аказваецца, для шчасця маці трэба няшмат: крышачку дапамогі, увагі, цеплыні. Яшчэ неабходна добрае слова, якое суцешыць і ўзніме настрой. Заклікаю ўсіх дзяцей: наведвайце сваіх бацькоў, пакуль яны жывыя. Не шкадуйце для іх шчырых слоў. Дапамагайце ім, чым можаце. Няхай дарога да бацькоўскага парога заўсёды будзе жаданай.

Запісала Галіна СМАЛЯНКА
Фота Аксаны СКОК