Поздравление с Днем юриста от Кореличского районного исполнительного комитета, районного Совета депутатов

Паважаныя юрысты Карэліцкага раёна!

Сардэчна віншуем вас з прафесійным святам — Днём юрыста!

Гэтая дата аб’ядноўвае спецыялістаў, якія працуюць у самых розных сферах дзейнасці. Юрысконсульты і прававеды, работнікі органаў правапарадку і суддзі, натарыусы і адвакаты — усе яны служаць верхавенству закона, абароне канстытуцыйных правоў і свабод нашых грамадзян.

Быць юрыстам — вялікі гонар і вялікая адказнасць. Бо гэта лацінскае слова азначае не толькі «права», але і «справядлівасць». Таму юрыдычная дзейнасць патрабуе асаблівых маральных, этычных і прафесійных якасцяў. На шчасце, прававую абарону жыхароў Карэліччыны забяспечваюць людзі, адданыя абранай справе, якія валодаюць трывалымі ведамі, глыбокай чалавечай прыстойнасцю і сумленнасцю.

Прыміце шчырыя пажаданні моцнага здароўя, шчасця, дабрабыту, сямейнай утульнасці, новых дасягненняў у прафесійнай і грамадскай дзейнасці.

Раённы выканаўчы камітэт.

Раённы Савет дэпутатаў.