С Днем радио, телевидения и связи поздравляет районный Совет депутатов

Паважаныя работнікі арганізацый

сувязі Карэліччыны!

Ад імя раённага выканаўчага камітэта і раённага Савета дэпутатаў прыміце шчырыя віншаванні з прафесійным святам — Днём работнікаў радыё, тэлебачання і сувязі!

У сённяшнім свеце камунікацый сучасныя сродкі сувязі і масавай інфармацыі адыгрываюць важную і значную ролю.

Сёння цяжка ўявіць наша жыццё без радыёвяшчання, сувязі і тэлебачання. У наша жыццё ўпэўнена ўвайшлі мабільная сувязь, інтэрнэт, лічбавыя тэхналогіі, спадарожнікавае і кабельнае тэлебачанне. Дзякуючы іх існаванню і хуткаму развіццю скарачаюцца адлегласці паміж краінамі, гарадамі і людзьмі, жыццё становіцца яркім, цікавым і насычаным. Яны з’яўляюцца адным з найважнейшых відаў зносін паміж людзьмі, культурных і дзелавых сувязяў, сталі важнейшым складальнікам сацыяльна-эканамічнага развіцця нашага грамадства.

Ад прафесіяналізму работнікаў галіны сувязі шмат у чым залежыць камфорт кожнага з нас, якасць жыцця кожнага жыхара нашага раёна.

Упэўнены, што годная праца і мэтанакіраванасць дазволяць вам і надалей прымнажаць патэнцыял галіны, павялічваючы спектр і якасць паслуг насельніцтву.

Жадаем усім моцнага здароўя, дабрабыту і новых прафесійных поспехаў!