Почет и уважение передовикам района. В Кореличах чествовали лучших тружеников села и работников всех сфер народного хозяйства (фото+видео)

14.02.2020 3032 Админ

На сучасным этапе Карэліччына ўпэўнена рухаецца наперад, дасягаючы высокіх паказчыкаў у розных сферах дзейнасці. Залогам поспеху з’яўляюцца прафесіяналізм і майстэрства, адданасць і вернасць абранай справе, мэтанакіраванасць і працавітасць жыхароў раёна. Менавіта яны, перадавікі сельскай гаспадаркі, перапрацоўчай прамысловасці і сацыяльна-культурнай сферы, сталі галоўнымі героямі раённага свята “Гонар і пашана па працы”.

У фае раённага Цэнтра культуры і народнай творчасці з самай раніцы завіхаліся над афармленнем выстаў прадукцыі і тэматычных фотазон работнікі прадпрыемстваў, арганізацый і ўстаноў раёна. Стэнды з фотаздымкамі яскрава дэманстравалі яркія моманты працоўных будняў аграрыяў, медыкаў, педагогаў і культработнікаў раёна. Пакінуць шчырыя пажаданні любай Карэліччыне з асабістым подпісам змаглі ўсе жадаючыя, прыняўшы ўдзел у акцыі “З любоўю да малой радзімы”, арганізаванай Карэліцкім маладзёжным цэнтрам культуры.

Адкрываючы раённы злёт перадавікоў, старшыня райвыканкама Генадзій Шатуеў агучыў дасягненні мінулага года і выказаў шчырыя словы падзякі за плённую працу аграрыям Карэліччыны, работнікам перапрацоўчых прадпрыемстваў, сацыяльна-культурнай сферы.

– 2019 год адышоў у гісторыю. Аднак у нашай памяці застануцца яго яркія падзеі, поспехі і дасягненні, – адзначыў кіраўнік мясцовай вертыкалі ўлады. – Разам з усёй краінай Карэліччына маштабна адзначыла 75-годдзе вызвалення Беларусі ад нямецка-фашысцкіх захопнікаў. Пры высокай актыўнасці выбаршчыкаў у раёне прайшлі выбары дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання.

Па словах Генадзія Шатуева, галоўнае багацце карэліцкай зямлі – гэта людзі. Кожны з працаўнікоў Карэліччыны ўносіць асабісты ўклад у развіццё раёна і спрыяе павелічэнню яе дабрабыту. Вынікі старання карэліччан відавочны: наш раён займае высокія пазіцыі ў вобласці. Так, на Гродзеншчыне Карэліцкі раён займае трэцяе месца па валаваму збору зерня і другое – па ўраджайнасці зерневых культур. Найвышэйшую ўраджайнасць збожжавых атрымалі хлебаробы СВК “Маяк-Заполле” (72,2 ц/га), КСУП “Племзавод Карэлічы” (64,1 ц/га) і СВК “Жухавічы” (64 ц/га). Валавы збор цукровых буракоў у раёне склаў 213 тысяч тон у заліковай вазе, што з’яўляецца другім вынікам у раёне. Сярэдняя ўраджайнасць у 600 ц/га стала трэцім паказчыкам у вобласці. Лідарамі з’яўляюцца СВК “Свіцязянка-2003” (746 ц/га), СВК “Маяк-Заполле” (722 ц/га) і СВК “Жухавічы” (674 ц/га).

Валавая вытворчасць малака склала 81226,4 тоны, сярэдні надой на карову – 6177 кг. Сярод раёнаў Гродзенскай вобласці Карэліцкі раён займае пятае месца па валавай вытворчасці сыравіны і чацвёртае па сярэднім надоі на рагулю. Бясспрэчнымі перадавікамі малочнай галіны раёна з’яўляюцца СВК “Свіцязянка-2003”, СВК “Жухавічы” і СВК “Маяк-Заполле”, дзе ад каровы надоена 9613 кг, 7872 кг і 7571 кг малака адпаведна.

На працягу ўсяго ўрачыстага мерапрыемства на святочную сцэну ўзнімаліся тыя карэліччане, якія ўнеслі значны ўклад у развіццё раёна. Былі сярод іх і зусім юныя жыхары раёна, чые імёны занялі ганаровае месца на дзіцячай Дошцы пашаны. Пасведчанні аб занясенні на раённую Дошку пашаны, Ганаровыя граматы райвыканкама, Падзячныя пісьмы старшыні райвыканкама – шэраг узнагарод уручаны прадстаўнікам розных прафесій. Эстафету віншаванняў працягнуў першы намеснік старшыні райвыканкама, начальнік упраўлення сельскай гаспадаркі і харчавання райвыканкама Анатолій Коршун, які падвёў вынікі сельскагаспадарчых спаборніцтваў. Так, пераможцам у спаборніцтве па вытворчасці цукровых буракоў прызнаны СВК “Жухавічы”, старшыня якога Дзмітрый Янкоўскі ўзнагароджаны пераходным прызам імя Героя Сацыялістычнай Працы Я. І. Фаменкі.

СВК “Свіцязянка-2003” на чале са старшынёй Уладзімірам Галавачом прызнаны гаспадаркай “Высокай культуры земляробства”. Сельгаспрадпрыемству ўручаны пераходны прыз імя Героя Сацыялістычнай Працы Н. С. Трускоўскай. Да таго ж СВК “Свіцязянка-2003” атрымаў ганаровае званне гаспадаркі “Высокай культуры жывёлагадоўлі” і ўдастоены пераходнага прыза імя Героя Сацыялістычнай Працы Т. У. Чубрык.

Пераможцамі ў спаборніцтве сярод малочна-таварных фермаў па вытворчасці малака прызнаны МТФ “Літараўшчына” і МТК “Райца-2” СВК “Свіцязянка-2003”, дзе надой на карову склаў 9766 кг і 9759 кг малака адпаведна. Упраўляючыя фермаў узнагароджаны Дыпломамі Карэліцкага райвыканкама і грашовымі прэміямі.

Пераможцамі раённага спаборніцтва за дасягненне высокіх паказчыкаў у эканамічным і сацыяльна-культурным развіцці прызнаны:

сярод гаспадарак раёна – СВК «Свіцязянка-2003» (старшыня Галавач Уладзімір Арсенцьевіч);

сярод арганізацый будаўніцтва, прамысловасці, транспарту, сувязі і сферы паслуг – ААТ «Карэлічы-Лён» (дырэктар Тур Сяргей Вячаслававіч);

сярод сельскіх выканаўчых камітэтаў – Лукскі сельскі выканаўчы камітэт (старшыня Ваўчок Людміла Іванаўна).

За дасягненне высокіх паказчыкаў у спорце, вучобе, творчай і грамадскай дзейнасці ў 2019 годзе на раённую дзіцячую Дошку пашаны занесены:

Брэнёў Андрэй Аляксеевіч – вучань Лукскай сярэдняй школы;

Булдык Яўгеній Віктаравіч – навучэнец Гродзенскага дзяржаўнага вучылішча алімпійскага рэзерву;

Горбік Аляксей Дзмітрыевіч – вучань 4 “А” класа СШ № 1 г.п. Карэлічы;

Дубкова Маргарыта Андрэеўна – удзельніца тэатральнай студыі “Эксперымент” Карэліцкага РЦКіНТ;

Звонка Маргарыта Генадзьеўна – удзельніца тэатральнай студыі “Эксперымент” Карэліцкага РЦКіНТ;

Карвіга Соф’я Мікалаеўна – удзельніца тэатральнай студыі “Эксперымент” Карэліцкага РЦКіНТ;

Карп Арцём Валер’евіч – вучань 10 класа СШ № 1 г.п. Карэлічы;

Кавалевіч Анастасія Сяргееўна – вучаніца 9 “А” класа СШ г.п. Мір;

Каласоўская Кацярына Валер’еўна – вучаніца 10 класа СШ г.п. Мір;

Кошур Надзея Алегаўна – вучаніца 4 “А” класа СШ № 1 г.п. Карэлічы;

Кузьміч Анастасія Аляксандраўна – вучаніца 11 класа СШ № 1 г.п. Карэлічы;

Мінгалёва Алеся Генадзьеўна – спартсменка-навучэнка дзіцяча-юнацкай спартыўнай школы Карэліцкага раёна;

Полагава Аляксандра Аляксандраўна – вучаніца 11 класа Жухавіцкай СШ;

Сак Мікіта Сяргеевіч – вучань 7 “А” класа СШ № 2 г.п. Карэлічы;

Філёнчык Дзмітрый Аляксандравіч – спартсмен-навучэнец дзіцяча-юнацкай спартыўнай школы Карэліцкага раёна;

Ханько Арына Уладзіміраўна – удзельніца тэатральнай студыі “Эксперымент” Карэліцкага РЦКіНТ.

За дасягненне высокіх вынікаў у працоўнай, сацыяльна-эканамічнай, вытворчай, грамадскай, сацыяльна-культурнай дзейнасці ў 2019 годзе на раённую Дошку пашаны занесены:

Арцюх Тамара Аляксандраўна – аператар машыннага даення МТФ “Машэвічы” КСУП “Малюшычы”;

Браніцкі Вікенцій Арсеньевіч – дырэктар ДУА «СШ № 2 г.п. Карэлічы»;

Гімпель Сяргей Аляксандравіч – вадзіцель аўтамабіля КУСП “Чарняхоўскі-Агра”;

Галавач Уладзімір Арсенцьевіч – старшыня СВК “Свіцязянка-2003”;

Гароднік Наталля Мікалаеўна – дырэктар Карэліцкага раённага Цэнтра культуры і народнай творчасці;

Жук Фёдар Мікалаевіч – намеснік дырэктара ААТ “Карэлічы-Лён”;

Клімко Марына Анатольеўна – урач агульнай практыкі Райцаўскай амбулаторыі ўрача агульнай практыкі;

Казлова Таццяна Уладзіміраўна – настаўнік беларускай мовы і літаратуры ДУА «Цырынскі ВПК дзіцячы сад-СШ»;

Лагута Сяргей Карпавіч – электраманцёр аператыўна-выязной брыгады Карэліцкага РЭС;

Малышава Ірына Казіміраўна – начальнік упраўлення жыллёва-камунальнай гаспадаркі, архітэктуры і будаўніцтва райвыканкама;

Манько Таццяна Іванаўна – стараста вёсак Аканавічы і Рукаўчыцы Цырынскага сельсавета;

Міхей Ганна Яўгеньеўна – загадчык Дома быту Карэліцкага УКП БАН;

Міхей Валерый Віктаравіч – майстар вытворчага навучання Карэліцкага дзяржаўнага будаўнічага прафесійнага ліцэя;

Мокат Аляксандр Аляксандравіч – трактарыст-машыніст сельскагаспадарчай вытворчасці КСУП “Царука”;

Саўко Іван Мікалаевіч – галоўны ветэрынарны ўрач СВК “Жухавічы”;

Свірыд Валянціна Канстанцінаўна – упраўляючы фермай па вырошчванні і адкорме буйной рагатай жывёлы “Палужжа” КСУП “Племзавод Карэлічы”.