К Международному дню родного языка в Кореличской районной библиотеке работает выставка книг

Родная мова – матчына мова,

 Ты нашых думак – уток і аснова…

 Кожнай драбніцы ты варта пашаны,

 Кожнае слова вякамі стварана і навякі

 жыць застанецца,

 Вечнае так, як народнае сэрца.

 У. Дубоўка

У нашым рознакаляровым і рознагалосым свеце налічваецца больш за шэсць тысяч моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна мова, якую ён лічыць роднай. Менавіта на гэтай мове ён размаўляе з сябрамі, знаёмымі, сваякамі. Наша родная мова – беларуская. Яна для нас найпрыгажэйшая, наймілагучнейшая, ззяе шматлікімі фарбамі, здзіўляе шматгалоссем.

Да Міжнароднага дня роднай мовы ў чытальнай зале Карэліцкай раённай бібліятэкі дзейнічае выстава “Мова родная мая”, на якой прадстаўлены кнігі аб правілах беларускай арфаграфіі і пунктуацыі, кароткая граматыка беларускай мовы і іншыя даведачныя выданні і зборнікі. Кожны наведвальнік можа пазнаёміцца з гісторыяй беларускай літаратуры, ступенямі развіцця беларускай мовы, сучаснымі творамі пісьменнікаў і паэтаў нашай краіны.

Сіні васілёк і стылізаваная карта Беларусі ў выглядзе беларускага арнамента сталі сімваламі нашай любімай Бацькаўшчыны.

Запрашаем наведаць нашу выставу і выбраць сабе творы па душы.

Анжаліка ШАСТАК,

бібліятэкар аддзела абслугоўвання і інфармацыі Карэліцкай раённай бібліятэкі

Фота Наталлі САКАЛЯНСКАЙ