У Карэліцкім раёне правялі рэгістрацыю шлюбу ў этнабеларускім стылі
У Год гістарычнай памяці і ў гонар 105-годдзя ўтварэння органаў запісу актаў грамадзянскага стану на Карэліччыне 18 чэрвеня правялі рэгістрацыю шлюбу ў этнабеларускім стылі. Наша зямля багатая сваёй гісторыяй, знакамітымі людзьмі і народнымі традыцыямі. Вясельныя традыцыі маюць асабісты каларыт.
Найбольш распаўсюджана на Карэліччыне было народнае ткацтва. Уменне ткаць — абавязак кожнай жанчыны. Тканыя посцілкі, рушнікі, дываны, паясы абавязкова атрымлівалі нявесты ў пасаг.
Мануфактура вытворчасці габеленаў праславіла Карэліччыну і за мяжой.
Запольскі каравай славіў нашу зямлю на ўсю рэспубліку. Ніводнае вяселле не праходзіла без яго. Ручная работа захоплівала сваім майстэрствам.
Святочны касцюм карэліцкага строя XIX-XX стст. нядаўна адноўлены Домам рамёстваў. Вышыўка зроблена па ўсіх традыцыях з захаваннем сімволікі, закладзены ўзоры, якія азначаюць працяг роду, моцную сям’ю, родную зямлю, здароўе, шчасце.
Па народнаму звычаю маладых связалі ручніком, каб жыццё было доўгім і шчаслівым. Яны замкнулі замок, а ключ аддалі старэйшай жанчыне з роду з наказам укінуць у калодзеж. Нявесце падносяць рэшата з жытам, якім яна абсыпала дзяўчат на іх добрую долю.
Напаследак танцавалі хараводную лявоніху і на возе ехалі да святочнага стала.
Валянціна СІЎКО, начальнік аддзела ЗАГС
1