Животноводы МТФ «Полоная» СПК «Маяк-Заполье» добились высокой продуктивности дойного стада

20.05.2023 568 Админ

За першыя чатыры месяцы бягучага года прадуктыўнасць дойнага статка на Карэліччыне вырасла на 178 кг у параўнанні з аналагічным мінулым перыядам. Ад кожнай каровы на прадпрыемствах атрымалі 2308 кг малака. У СВК «Свіцязянка-2003» сярэдні надой ад каровы склаў 3886 кг, у СВК «Маяк-Заполле» – 3102, пры гэтым на малочнатаварнай ферме «Паланая» – 3256. За апошнія чатыры месяцы прадуктыўнасць пагалоўя тут павялічылася на 761 кг. Па словах кіраўніка МТФ «Паланая» Генадзя Араб’я, дасягнуць такога выніку дазволіў цэлы шэраг фактараў.

Аператар машыннага даення Людміла Лустач, заатэхнік-селекцыянер Анастасія Філатава і аператар машыннага даення Алена Лустач

На выніках працы “Паланой” станоўча адбілася працоўная дысцыпліна. Работнікі МТФ, на якой размешчана 821 дойная карова, строга прытрымліваюцца правілаў утрымання і кармлення малочнага пагалоўя. У кожнай фізіялагічнай групы кароў — уласны рацыён. Пры арганізацыі прамысловай вытворчасці малака па-іншаму нельга. Інакш 2667 тон малака за чатыры месяцы, як на гэтай МТФ, проста не атрымаць.

— Летась на прадпрыемстве заклалі добры сянаж з люцэрны і канюшыны. Ды і ў цэлым кармы ў гаспадарцы якасныя, — аналізуе Генадзь Эдуардавіч. — Рацыён харчавання рагуль збалансаваны. Долі сенажу і сіласу на кармавым стале роўныя.

Для кармлення статка на ферме выкарыстоўваецца пагрузчык з вагавымяральнікам, які дазваляе кантраляваць рацыён рагуль.

На прадпрыемстве камбікорм для кароў рыхтуюць са сваёй сыравіны. Для балансавання па бялку выкарыстоўваюць рапсавы жмых уласнай вытворчасці. На вытворчасць аднаго цэнтнера малака на “Паланой” у першым квартале бягучага года затрацілі 0,69 цэнтнера кармавых адзінак, што пацвярджае збалансаванасць адной кармавой адзінкі. Рацыянальнасць вытворчасці малака па МТФ за першы квартал бягучага года склала 81%. 90,4% малака рэалізавана гатункам “экстра”.

— Найважнейшым фактарам росту прадуктыўнасці кароў з’яўляецца і ўзровень прафесіяналізму і майстэрства звяна па ўзнаўленні, – працягвае аналіз Генадзь Эдуардавіч. — На МТФ “Паланая” за першы квартал 2023 года атрымана на 78 галоў прыплоду больш, чым за аналагічны леташні перыяд.

За першы квартал бягучага года на ферме на 100 кароў атрымана 22 цяляці, у чым галоўная заслуга тэхніка па штучным асемяненні Марыі Трусевіч, заатэхніка-селекцыянера Анастасіі Філатавай і ветурача-гінеколага Валерыя Чубрыка. Дзякуючы ім на “Паланой” толькі ў сакавіку расцялілася 73 каровы.

Цяпер на МТФ утрымліваюцца 184 цяляці. Маладняку тут рады, жывёлаводы клапоцяцца аб будучых дойных каровах. Працаўнікі фермы стараюцца, каб атрымаць 8,5 тысячы кілаграмаў малака за год. Усе адказныя службы штодня працуюць на якасны вынік. Зараз шчыруюць над тым, каб усё малако здаваць гатункам «экстра». Як пойдзе справа, пакажа час.