28 января — День белорусской науки. Уроженцы Кореличского района, деятели науки, в этом году празднуют юбилейные даты

Штогод у апошнюю нядзелю студзеня ў Беларусі адзначаецца Дзень беларускай навукі.

Навука – гэта сіла, якая дае прагрэс, рух, развіццё ва ўсіх сферах жыцця: медыцына, адукацыя, эканоміка, вытворчасць. Дасягненні вучоных выводзяць чалавецтва на новы ўзровень жыцця, павышаючы яго якасць.

Плённая праца і высокая кваліфікацыя беларускіх вучоных атрымалі шырокае прызнанне ва ўсім свеце.

Важкі ўклад у развіццё айчыннай навукі ўносілі на працягу шэрагу гадоў і нашы землякі. З гонарам прыгадаем навукоўцаў, юбілейныя даты з дня нараджэння якіх адзначаюцца ў 2024 годзе.

Беларускі вучоны ў галіне малекулярнай спектраскапіі і фотахіміі, доктар фізіка-матэматычных навук, дацэнт, прафесар Арабей Сяргей Міхайлавіч;  беларускі вучоны, кандыдат тэхнічных навук, дацэнт Бухавец Аляксандр Пятровіч; вучоны ў галіне дарожнага будаўніцтва і прамысловага транспарту, доктар тэхнічных навук, прафесар Леановіч Іван Іосіфавіч; беларускі гісторык, педагог, грамадскі дзеяч, доктар гістарычных навук, прафесар, заслужаны работнік вышэйшай школы Беларусі Мацко Аляксандр Мікалаевіч; кандыдат сельскагаспадарчых навук, заслужаны работнік сельскай гаспадаркі Рэспублікі Беларусь Багушэвіч Аляксандр Аляксандравіч; доктар сельскагаспадарчых навук, дацэнт Піскун Георгій Іванавіч; беларускі філосаф, доктар філасофскіх навук, доктар матэматычных навук, дацэнт, прафесар, педагог, паэт, выдатнік адукацыі Беларусі Кікель Павел Васільевіч; беларускі вучоны ў галіне педагогікі, дацэнт Баранава Лідзія Іванаўна; беларускі гісторык, кандыдат гістарычных навук, педагог, публіцыст, журналіст, лаўрэат рэспубліканскай прэміі Саюза журналістаў “Залатое пяро” Акулік Аляксандр Канстанцінавіч і шмат іншых таленавітых людзей, імёны якіх мы ўзгадаем на працягу года.

10 студзеня 2024 года споўнілася б 85 гадоў з дня нараджэння нашага славутага земляка Васіля Васільевіча Тананкі. Беларускі гісторык, кандыдат гістарычных навук (1983 г.), дацэнт нарадзіўся ў вёсцы Аюцавічы Карэліцкага раёна ў 1939 годзе. Тэматыка навуковых публікацый: грамадазнаўства; буржуазная ідэалогія; патрыятычнае выхаванне; клубная праца; міжнародныя адносіны; партыйная праца; гісторыя КПСС і інш.

Пайшоў з жыцця ў 1998 годзе.

Алена МАКАРЧЫК,  бібліёграф аддзела абслугоўвання і інфармацыі ДУК «Карэліцкая раённая бібліятэка» 

Па матэрыялах адкрытых інтэрнэт-крыніц