Кореличский райисполком, районный Совет депутатов, депутаты Игорь Жук и Александр Сонгин поздравляют с Праздником труда
Шаноўныя жыхары Карэліцкага раёна!
Прыміце сардэчныя віншаванні са святам працы — 1 Мая!
Гэта свята вясны, захавання добрых традыцый салідарнасці і ўзаемадапамогі, надзеі на мір і дабрабыт. Свята, якое надае ўпэўненасць ва ўласных сілах. Мірная праца — каштоўнасць, што гарантуе стабільнасць і згоду ў грамадстве, асаблівы здабытак нашага народа. Вялікі дзякуй вам, дарагія землякі, за тое, што будуеце сваё жыццё ўпартай і сумленнай працай. Дзякуючы вашаму энтузіязму і адказнасці, Карэліцкі раён працягвае развівацца, ствараюцца камфортныя ўмовы для пражывання нашым жыхарам, радуюць поспехі ў розных сферах дзейнасці. Асаблівыя словы падзякі ветэранам, працоўны подзвіг якіх заклаў асновы нашага сённяшняга жыцця.
Няхай у гэтыя святочныя дні нашы сэрцы напоўняцца вясновым цяплом, усмешкамі, дабрынёй, аптымізмам, верай у сябе і тых, хто побач з намі! Толькі ад нас саміх, нашых прафесійных уменняў і ведаў залежыць будучыня краіны. Няхай усведамленне гэтага натхняе на новыя поспехі, а сумесная дзейнасць дапаможа роднаму краю стаць больш прыгожым! Шчыра жадаем усім моцнага здароўя, новых здзяйсненняў, шчасця і дабрабыту!
Раённы выканаўчы камітэт
Раённы Савет дэпутатаў
Ігар ЖУК, член Савета Рэспублікі Нацыянальнага сходу Рэспублікі Беларусь.
Аляксандр СОНГІН, дэпутат Палаты прадстаўнікоў Нацыянальнага сходу Рэспублікі Беларусь
