Игорь Лазаревич провел встречу с коллективом представительства Белгосстраха по Кореличскому району
29 лістапада ў рамках сустрэчы з працоўным калектывам прадстаўніцтва Белдзяржстраху па Карэліцкім раёне намеснік старшыні Карэліцкага райвыканкама Ігар Лазарэвіч спыніўся на пытанні значнасці выбарчай кампаніі.
Ігар Раманавіч пазнаёміў прысутных з прэтэндэнтамі для вылучэння кандыдатаў у Прэзідэнты Рэспублікі Беларусь, з каляндарным планам і этапамі правядзення электаральнай кампаніі:
— У Беларусі вылучэнне кандыдатаў адбываецца адным спосабам — шляхам збору подпісаў грамадзян. Ужо з 22 па 31 снежня пройдзе рэгістрацыя кандыдатаў у Прэзідэнты, і мы будзем ведаць імёны тых, хто сабраў неабходную колькасць подпісаў і атрымаў статус кандыдата ў Прэзідэнты, — сказаў прамоўца.
Таксама ён адзначыў, што выбары — галоўная палітычная падзея нашай краіны, удзел у якой з’яўляецца абавязкам кожнага грамадзяніна Рэспублікі Беларусь. Зараз наша краіна дэманструе дынамічны рост эканомікі і даходаў насельніцтва, забяспечвае высокія сацыяльныя стандарты і даступнасць дзяржаўных паслуг, істотна ўмацавала свае пазіцыі на міжнароднай арэне. Гэтую стабільнасць трэба захоўваць і працягваць развівацца далей, —зазначыў Ігар Раманавіч.
Напрыканцы сустрэчы ён азнаёміў вынікамі сацыяльна-эканамічнага развіцця раёна ў 2024 годзе і адзначыў, што сёлета раёнам забяспечана выкананне большасці мэтавых паказчыкаў і заданняў, якія аказваюць найбольшы ўплыў на фарміраванне валавога рэгіянальнага прадукту.
Сустрэча прайшла ў фармаце адкрытага дыялогу, дзе кожны мог задаць хвалюючыя пытанні.
1
