Механизатор СПК «Жуховичи» Юрий Гомза: «Каждый белорус, который любит свою Родину и хочет мирно трудиться, обязательно пойдет на выборы Президента»

Кожны беларус, які любіць сваю Радзіму і хоча мірна працаваць, абавязкова пойдзе на выбары Прэзідэнта 26 студзеня 2025 года, — лічыць механізатар СВК «Жухавічы» Юрый Гомза.

— 40 гадоў таму, у 1985 годзе, я прыйшоў працаваць у сельскую гаспадарку. Пасля распаду СССР было вельмі няпроста. Нават у такім моцным калгасе, як імя Жалезняковіча, наступілі цяжкія часы: адрамантаваць нічога не маглі, бо не было грошай. Нават будынак канторы некаторы час стаяў без святла. Зарплату не плацілі па тры месяцы. Аднак пасля выбараў Прэзідэнта ў 1994 годзе быў узяты курс на адраджэнне сельскай гаспадаркі, на тое, каб людзі заставаліся ў вёсцы і працавалі. І ўсё задуманае атрымалася. Сёння беларусы не толькі забяспечваюць прадукцыяй сябе, але і прадаюць на рынкі іншых краін. Нашу прадукцыю ведаюць і любяць за высокую якасць. Прыемна, што ў гэтым ёсць уклад і нашай гаспадаркі. Як гаворыцца, час выбраў нас. Што тычыцца асабіста мяне, то я ўсім задаволены. У мяне добры заробак, вялікі добраўпарадкаваны катэдж у Жухавічах, які ў народзе называюць «прэзідэнцкім». Мы яго ўжо прыватызавалі. З жонкай выхавалі траіх дзяцей, зараз нас радуюць чацвёра ўнукаў. І самае галоўнае для любога чалавека —  гэта магчымасць мірна працаваць. Так што ўсё, што трэба для шчасця, у мяне ёсць.

Іна ЛЕЙКА

Фота аўтара