Галоўны спецыяліст Карэліцкага раённага Савета дэпутатаў Вольга Куляка пра «Белую Русь»: «Знешнія фактары адыгралі ключавую ролю ў стварэнні палітычнай партыі як адказ на агрэсіўную рыторыку многіх заходніх краін у адрас нашай дзяржавы»
Сэнс гэтай ініцыятывы ў тым, каб прыцягнуць да партбудаўніцтва кожнага беларуса, адзначае старшыня агракамітэта па стварэнні партыі Алег Раманаў.
– Наша партыя задумана масавай, і мы зацікаўлены ў тым, каб усе прадстаўнікі нашага грамадства, незалежна ад месца жыхарства, прафесійнай дзейнасці, сямейнага становішча, уключаліся ў працу. Мы чакаем актыўнасці падчас абмеркавання праграмы, на этапе падрыхтоўкі ўстаноўчага з’езда. Прапануем максімум намаганняў для ўключэння і ўдзелу ў палітычным жыцці краіны, – падкрэсліў Алег Раманаў.
У апошнія тыдні да ўстаноўчага з’езду партыі ў рамках ініцыятывы запланаваны тэматычныя дыскусіі ў Інтэрнэце. Праект пайшоў і ў Інтэрнэт: беларусы ствараюць публікацыі ў сацыяльных сетках і тэлеграм-каналах з хэштэгам #“РАRТиЯ” і тлумачаць, чаму хочуць стаць часткай будучай палітычнай сілы.
Вольга КУЛЯКА,
галоўны спецыяліст Карэліцкага раённага Савета дэпутатаў:
– Ідэя стварэння партыі, якая была б сугучная часу, лунала ў паветры ўжо больш за дзесяць гадоў. Знешнія фактары адыгралі ключавую ролю ў стварэнні палітычнай партыі як адказ на агрэсіўную рыторыку многіх заходніх краін у адрас нашай дзяржавы. Мы павінны супрацьстаяць, выпрацаваць механізмы, якія змогуць захаваць незалежнасць і суверэнітэт нашай краіны. Палітычная партыя «Белая Русь» стане сілай, здольнай выкарыстоўваць формы і метады процідзеяння знешнім пагрозам.
Сяргей КАПАЦЭВІЧ,
начальнік аддзела рознічнага продажу ЦБП № 423 г.п. Карэлічы рэгіянальнай дырэкцыі па Гродзенскай вобласці ААТ “Балаграпрамбанк”:
– Утварэнне палітычнай партыі Белая Русь – гэта перш за ўсё стварэнне сталай грамадзянскай супольнасці нашай дзяржавы. Настаў час, калі просты чалавек павінен удзельнічаць у палітычным жыцці краіны. Паколькі грамадская арганізацыя “Белая Русь” складаецца з розных слаёў насельніцтва, то стварэнне палітычнай партыі дазволіць у самыя кароткія тэрміны данесці да кіраўніцтва краіны тыя пытанні і праблемы, якія ўзнікаюць у простых людзей, што прывядзе да больш хуткага развіцця нашай краіны.
Кацярына КУКАНАВА
Фота з архіва «Полымя»
