Комиссия по содействию занятости оказывает реальную помощь и поддержку. Таким мнением поделился кореличчанин Игорь Семёнов

Камісія па садзейнічанні занятасці аказвае рэальную дапамогу і падтрымку. Такім меркаваннем падзяліўся карэліччанін Ігар Сямёнаў пасля пасяджэння камісіі па каардынацыі работы па садзейнічанні занятасці насельніцтва Карэліцкага раёна.

— Маё апошняе афіцыйнае месца працы — грузчык у райсаюзе. Звольніўся 5 гадоў таму, — расказвае Ігар Сямёнаў. — Увесь гэты час жыў выпадковымі заробкамі. На пасяджэнні камісіі мне прапанавалі розныя варыянты для працы. Я абраў ДЭУ-56 г. Навагрудка: калісьці там ужо працаваў. З 21 студзеня ўладкаваўся сюды рабочым. Увогуле надакучыла перабівацца выпадковымі заробкамі, трэба да чагосьці пастаяннага прывыкаць.

У студзені 2019 года з дапамогаю камісіі ў Карэліцкім раёне працаўладкавана тры чалавекі. За ўвесь перыяд работы камiсii, з 1 чэрвеня 2018 года па цяперашні час, накіравана ў службу занятасці 27 чалавек, якія зарэгістраваліся беспрацоўнымі. З іх 22 чалавекі працаўладкаваны, 2 накіраваны на перанавучанне, тры чалавекі стаяць на ўліку ў якасці беспрацоўных. Больш за 120 жыхароў раёна звярнулася ў камісію па садзейнічанні ў працаўладкаванні, кансультатыўную дапамогу, па разглядзе іх жыццёвай сітуацыі, прадастаўленні дакументаў, якія пацвярджаюць занятасць.

Кожны выпадак разглядаецца ў індывідуальным парадку. «Наша задача — аказаць рэальную дапамогу і падтрымку тым, каму яна неабходная. Варыянты знаходзяцца. У раёне налічваецца 196 вакансій», — адзначыў старшыня камісіі па каардынацыі работы па садзейнічанні занятасці насельніцтва Карэліцкага раёна Аляксандр Шкадаў.

Іна ЛЕЙКА