В Вороново состоялось торжественное открытие фестиваля-ярмарки «Дожинки-2016»
Апладысментамі сустракалі святочную калону ўдзельнікаў урачыстага шэсця пераможцаў абласнога спаборніцтва па ўборцы ўраджаю 2016 года, якая рухалася ад вуліцы Юбілейнай да плошчы на вуліцы Савецкай. Адкрыў абласны фестываль-кірмаш старшыня Гродзенскага абласнога выканаўчага камітэта Уладзімір Васільевіч Краўцоў. У прывітальным слове ён падзякаваў за плённую працу хлебаробам, стваральнікам дабрабыту і харчовай бяспекі краіны, а ўсім жыхарам Воранаўскага краю і гасцям свята пажадаў шчасця і поспехаў.
Пасля традыцыйнага пачастунку гасцей караваем сёлетняга ўраджаю дэлегацыі
запрасілі ў гарадскі цэнтр культуры і вольнага часу на цырымонію ўзнагароджвання.
Сярод шматлікіх гасцей свята — ганаровыя: Віктар Уладзіміравіч Шэйман — кіраўнік спраў Прэзідэнта Рэспублікі Беларусь, Ганаровы грамадзянін Воранаўскага раёна, Ігар Вячаслававіч Брыло — намеснік Міністра сельскай гаспадаркі і харчавання, Сяргей Васільевіч Раўнейка — памочнік Прэзідэнта Рэспублікі Беларусь – галоўны інспектар па Гродзенскай вобласці, Сяргей Уладзіміравіч Абламейка — рэктар Беларускага дзяржаўнага ўніверсітэта, Аляксандр Іванавіч Маркевіч — дэпутат Палаты прадстаўнікоў Нацыянальнага сходу Рэспублікі Беларусь шостага склікання па Іўеўскай выбарчай акрузе. Святкуюць разам з намі і замежныя дэлегацыі. З літоўскага боку — Шальчынінкскі і Алітускі раёны, з расійскага — адміністрацыя Несцераўскага раёна.
