У Карэліцкай раённай бібліятэцы арганізавана выстава «Рукамі жанчын»
У чытальнай зале Карэліцкай раённай бібліятэкі арганізавана выстава прац педагогаў дадатковай адукацыі Карэліцкага раённага Цэнтра творчасці дзяцей і моладзі пад назвай «Рукамі жанчын».
У прадстаўленай экспазіцыі — калекцыя мадэлей адзення з дэкаратыўнай аддзелкай, вышыўкай, вязаннем, а таксама — аксесуары да іх, пацеркі з ільняной ніткі, сумачкі.
На выставе вочы радуюць абрусы ручной работы, якія выкананы ў тэхніцы вышыўкі «Хардангер». Асаблівую ўвагу прыцягвае посуд, распісаны ў тэхніцы точачнага роспісу.
Аўтарамі гэтых цудоўных прац з’яўляюцца педагогі дадатковай адукацыі Вольга Логіш, Тамара Сялецкая, Алена Лазарэвіч.
Наведайце выставу — і вы не пашкадуеце!
Галіна СМАЛЯНКА
Фота Наталлі САКАЛЯНСКАЙ
