Директора Центра селекции и генетики по Кореличскому району Галину Карп поздравили с юбилеем

Дырэктара Цэнтра селекцыі і генетыкі па Карэліцкім раёне рэспубліканскага ўнітарнага сельскагаспадарчага прадпрыемства па племянной справе “Гродзенскае племпрадпрыемства” Галіну Карп павіншавалі з юбілеем.

Галіна Георгіеўна пачала сваю працоўную дзейнасць у 1986 годзе старшым заатэхнікам калгаса імя Чарняхоўскага Карэліцкага раёна. З 1988 года працавала на пасадзе заатэхніка саўгаса “Заветы Ільіча”, а ў 1989 годзе пераведзена на пасаду брыгадзіра МТФ “Бабунічы” саўгаса “Заветы Ільіча”. З 1989 па 1990 год працавала заатэхнікам-селекцыянерам калгаса “Ленінскі прызыў” Бялыніцкага раёна Магілёўскай вобласці. З 1990 года Галіна Георгіеўна працуе заатэхнікам у калгасе “Маяк” Наўлінскага раёна Бранскай вобласці. У 1998 вярнулася ў калгас імя Чарняхоўскага Карэліцкага раёна, дзе працавала заатэхнікам-селекцыянерам, а ў наступным годзе назначана галоўным заатэхнікам гэтага прадпрыемства. У студзені 2003 года была прынята на пасаду выконваючага абавязкі дырэктара РУП “Селекцыйна-племянны цэнтр жывёлагадоўлі”, а з кастрычніка гэтага ж года Галіна Георгіеўна заняла пасаду галоўнага заатэхніка-селекцыянера — кіраўніка Цэнтра селекцыі і генетыкі па Карэліцкім раёне РУСП “Гродзенскае племпрадпрыемства”, дзе працуе і цяпер.

За гады сваёй працы Галіна Георгіеўна была ўзнагароджана шматлікімі ўзнагародамі, сярод якіх Ганаровая грамата Карэліцкага райвыканкама, Ганаровая грамата Карэліцкага раённага Савета дэпутатаў, нагрудны знак адзнакі Міністэрства сельскай гаспадаркі і харчавання “За заслугі ў сельскай гаспадарцы”.

Сяргей СТОЛЯР

Фота аўтара