Чудесный праздник для чудесных деток: в ГУО «Центр коррекционно-развивающего обучения и реабилитации Кореличского района» прошел новогодний утренник

@korelichi_news #беларусь🇧🇾 #belarus🇧🇾 #кореличи #новыйгод #нашидети ♬ оригинальный звук — www.polymia.by

Дабрачынная акцыя “Нашы дзеці” даўно стала выдатнай традыцыяй, калі цуда прыходзіць да кожнага дзіцяці. Сапраўдную зімовую казку падарылі сваім выхаванцам супрацоўнікі Цэнтра карэкцыйна-развіваючага навучання і рэабілітацыі Карэліцкага раёна. Разам з Дзядулем Марозам маленькія героі перамаглі злых Бабу Ягу і Кікімару, навучылі іх дабру, вызвалілі Снягурку з іх палона і атрымалі цудоўныя падарункі. У працэсе мерапрыемства дзеткі прадэманстравалі свае кемлівасць і спрыт у гульнях і танцах.

З падарункамі і словамі віншавання да выхаванцаў Цэнтра завіталі пракурор Карэліцкага раёна Віктар Аўдакушын і дырэктар цэнтра банкаўскіх паслуг №411 ААТ “Беларусбанк” г.п. Карэлічы Вольга Марцута.

— Сёння разам з дзеткамі мы апынуліся ў сапраўднай казцы, за што вялікі дзякуй педагогам, — сказала Вольга Іосіфаўна. — Ад усёй душы віншую вас, дарагія рабяты, паважаныя настаўнікі і бацькі, з надыходзячымі святамі. Жадаю, каб у вас усё атрымлівалася, вакол былі надзейныя сябры, якія гатовы ў любы момант падставіць плячо дапамогі.

— Акцыя “Нашы дзеці”, якая праходзіць у нашай краіне штогод, — выдатная нагода падарыць дзецям казку, — сказаў Віктар Аўдакушын. — На сённяшнім свяце мы ўспомнілі сваё дзяцінства і тыя святы, якія ладзіліся для нас, зноў павадзілі карагод. Жадаю усім прысутным шчаслівага Новага году, цёплых і ўтульных Калядаў. Няхай у вашым жыцці пануе шчасце.

У падарунак Цэнтру Вольга Марцута і Віктар Аўдакушын уручылі грашовыя сертыфікаты.

Сяргей СТОЛЯР

Фота аўтара