На Кореличчине проходят детские сельские сходы
Па ініцыятыве камісіі па справах непаўналетніх Карэліцкага райвыканкама работнікі Карэліцкага раённага аддзела РАНС, РАУС, АСВОД і работнікаў культуры правялі дзіцячыя сходы для непаўналетніх Мірскага, Жухавіцкага, Ярэміцкага і Турэцкага сельскіх Саветаў.
У рамках забаўляльнай навучальнай праграмы хлопчыкі і дзяўчынкі расшыфроўвалі словы ў тэматыцы РАНС, адказвалі на пытанні міні-віктарыны, паўтаралі алгарытмы дзеянняў у надзвычайных сітуацыях, адпрацоўвалі парадак выкліку службаў экстранага рэагавання і ўдзельнічалі ў пажарнай эстафеце. Выратавальнікі пазнаёмілі дзяцей з прыладамі пажарнага аўтамабіля, а таксама прадэманстравалі магчымасці аварыйна-выратавальнага абсталявання. Кожнаму ўдзельніку прадстаўнікі службы ўручылі карысныя буклеты супрацьпажарнай накіраванасці.
Старшыня Карэліцкага аб’яднання АСВОД Аляксандр Кандрусік нагадаў важныя правілы паводзін на вадзе. Супрацоўнікі Карэліцкага раённага аддзела ўнутраных спраў расказалі юным вяскоўцам аб асноўных мерах бяспекі падчас летніх канікул, а таксама, што неабходна памятаць, каб не апынуцца ў непрыемнай сітуацыі. Работнікі ДАІ правялі прафілактычную гутарку па папярэджанні дарожна-транспартных здарэнняў з удзелам непаўналетніх, нагадалі аб праблемах дзіцячага дарожна-транспартнага траўматызму, прычынах і наступствах дарожна транспартных здарэннях з удзелам дзяцей і падлеткаў. Забаўляльную праграму і вясёлыя гульні з падлеткамі правялі работнікі культуры.
У завяршэнні мерапрыемства выратавальнікі парадавалі дзяцей воднай феерыяй.
Кацярына КУКАНАВА
Фота аўтара
