Поздравление Кореличского райисполкома и районного Совета депутатов с Днем знаний
Паважаныя карэліччане! Прыміце шчырыя віншаванні з Днём ведаў і пачаткам новага навучальнага года!
1 верасня – хвалюючае свята Першага званка, доўгачаканы дзень для першакласнікаў, якія ўпершыню пераступяць школьны парог, а для старшакласнікаў – дзень, напоўнены шчаслівымі ўспамінамі і радаснымі чаканнямі. Няхай новы навучальны год будзе паспяховым, адкрые маладым людзям магчымасці ў дасягненні пастаўленых мэт, падорыць радасць творчасці і стварэння!
Паважаныя педагогі! Прыміце словы вялікай падзякі за вашы прафесіяналізм, педагагічны талент, адданасць справе, любоў да дзяцей, патрыятызм, актыўную грамадзянскую пазіцыю. Сёння менавіта ад вас залежыць не толькі будучыня сучаснай сістэмы адукацыі, але і будучае падрастаючага пакалення. Толькі сваім асабістым прыкладам вы фарміруеце ў нашых дзяцей пачуццё патрыятызму і гонару за Рэспубліку Беларусь і беларускі народ. Жадаем усім моцнага здароўя, невычэрпнай энергіі, дабрабыту, шчасця і міру!
Раённы выканаўчы камітэт
Раённы Савет дэпутатаў
