Поздравление Кореличского райисполкома и районного Совета депутатов с Днем знаний

Дарагія школьнікі, бацькі і настаўнікі!

Сардэчна віншуем вас з Днём ведаў і пачаткам навучальнага года!

Канікулы скончыліся, і наперадзе ў школьнікаў месяцы сур’ёзнай вучобы, стасункаў з сябрамі, поспехаў і клопатаў. Набірайцеся ведаў, вучыцеся сваёй працай і талентам прыносіць максімальную карысць, імкніцеся быць патрэбнымі нашай краіне.

Паважаныя настаўнікі! Ад вашага прафесіяналізму, педагагічнага таленту, творчасці, душэўнай шчодрасці і мудрасці залежыць будучыня нашых навучэнцаў. Няхай Дзень ведаў будзе ўпрыгожаны для вас кветкамі і дзіцячымі ўсмешкамі, напоўнены цёплымі і добрымі словамі.

Жадаем школьнікам высокіх дасягненняў у вучобе, цікавых і яркіх старонак школьнага жыцця. Настаўнікам — настойлівасці, вытрымкі і цярпення ў дасягненні пастаўленых задач. Няхай бацькі ганарацца поспехамі сваіх дзяцей і дапамагаюць ім рэалізоўваць і раскрываць свае таленты і магчымасці. Здароўя ўсім і поспехаў!

Раённы выканаўчы камітэт

Раённы Савет дэпутатаў