Вясновыя канікулы ў рэспубліцы пачаліся 23 сакавіка і будуць доўжыцца да 30 сакавіка. Як расказала галоўны спецыяліст аддзела адукацыі Карэліцкага райвыканкама Марына Станкевіч, у сямі ўстановах агульнай сярэдняй адукацыі з 24 па 28 сакавіка будуць працаваць лагеры з дзённым знаходжаннем. У кампаніі аднагодкаў весела і цікава вясеннія канікулы правядуць сто дзяцей.
Для адпачываючых рабят прадугледжана трохразовае харчаванне. У госці да школьнікаў прыйдуць выратавальнікі і праваахоўнікі. Для дзяцей будуць арганізаваны конкурсы і віктарыны, спартыўныя спаборніцтвы і экскурсіі. Так, напрыклад, вучні сярэдняй школы №1 г. п. Карэлічы наведаюць выставу праваслаўнай кнігі “Жывое слова мудрасці духоўнай” у замкавым комплексе “Мір”, а навучэнцы Райцаўскай сярэдняй школы пабываюць у сталіцы.
Цікава правесці час школьнікам прапануюць не толькі ў дзённых лагерах. У Карэліцкім раённым цэнтры дадатковай адукацыі дзяцей і моладзі будуць арганізаваны мерапрыемствы, як гаворыцца, на любы густ і ўзрост. Кожны дзень тут будуць працаваць гульнявыя пляцоўкі, творчыя майстэрні, экскурсіі ў музейны пакой установы, пройдуць майстар-класы.
Падчас вясенніх канікул ў нашай установе дзеці змогуць пашырыць веды пра памятныя месцы Беларусі, па правілах бяспечных поводзін, праверыць свой розум і эрудыцыю падчас віктарыны “Разумныя і кемлівыя” і эрудыт-шоў “Хачу ўсё ведаць”, – расказала намеснік дырэктара Юлія Бында.
