Адбылося выязное пасяджэнне членаў рабочай групы па каардынацыі дзейнасці аглядных камісій на базе Малюшыцкага сельскага Савета.
Як адзначыў старшыня Малюшыцкага сельвыканкама Віктар Аркадзьевіч Дзірвук, з пачатку года агляднай камісіяй сельсавета абследаваны 263 домаўладанні грамадзян, у тым ліку за апошні месяц — 68. У абследаванні прынялі ўдзел прадстаўнікі ўсіх зацікаўленых службаў. Члены агляднай камісіі наведалі ўсе населеныя пункты сельсавета, парушэнні адлюстраваны ў актах абследавання.
«Адкрытым» пакуль застаецца пытанне назначэння ўчастковага інспектара міліцыі ў Малюшыцкі сельсавет. Па словах прадстаўніка Карэліцкага раённага аддзела ўнутранах спраў, «гэта нетыднёвая справа, але пытанне будуць імкнуцца вырашыць».
Падчас правядзення пасяджэння абмеркаваны шэраг злабадзённых пытанняў. Начальнік аддзела адукацыі, спорту і турызму Карэліцкага райвыканкама Ірына Валер’еўна Асташэвіч гаварыла пра знаходжанне пад пастаянным кантролем неблаганадзейных сем’яў і дзяцей, а першы намеснік начальніка Карэліцкага раённага аддзела па надзвычайных сітуацыях Андрэй Васільевіч Карповіч паставіў задачу: да пачатку верасня абследаваць усе сем’і, у якіх выхоўваюцца дзеці.
Пра ўстаноўку маючым патрэбу света-гукавых устройстваў вяла размову дырэктар дзяржаўнай установы «Цэнтр сацыяльнага абслугоўвання насельніцтва Карэліцкага раёна» Інэса Мікалаеўна Семібратава. Яны ў першую чаргу ўстанаўліваюцца адзінокім грамадзянам і неблаганадзейным сем’ям, і гэта робіцца для таго, каб папярэдзіць бяду.
Галіна СМАЛЯНКА.
