На пасяджэнні, у якім прыняла удзел старшыня абласнога Савета дэпутатаў Алена Пасюта, былі разгледжаны вынікі работы ў 2024 годзе і вызначаны напрамкі работы ў 2025. Старшыня Маладзёжнага парламента пры Гродзенскім абласным Савеце дэпутатаў Ягор Скепко адзначыў, што ключавой тэмай сёлета стане 80-годдзе Вялікай Перамогі:

— Запланавана шмат разнастайных мерапрыемстваў: гэта і дыялогавыя пляцоўкі, і інфармацыйныя праекты, а таксама патрыятычныя мітынгі. Адной са знакавых падзей стане рэалізацыя праекта “Аўтобус памяці”. На экспрэсе парламентарыі наведаюць розныя куткі вобласці, найбольш значныя помнікі салдатам Перамогі.

Таксама на пасяджэнні была створана свая прэс-служба, якая будзе каардынаваць працу са СМІ, а таксама весці сацыяльныя сеткі парламента.

Адным з важных рашэнняў, прынятых у ходзе пасяджэння, стала стварэнне асацыяцыі Маладзёжных парламентаў Гродзенскай вобласці, якую ўзначаліў Ягор Гіз. Карэліччыну ў асацыяцыі прадстаўляе член Маладзёжнага парламента пры Нацыянальным сходзе Рэспублікі Беларусь старшыня Маладзёжнага парламента пры Карэліцкім раённым Савеце дэпутатаў Юрый Юрчык.

— Асацыяцыя павінна дапамагчы стварыць умовы для павышэння прафесійных кампетэнцый маладых парламентарыяў вобласці, а таксама забяспечыць каардынацыю дзейнасці Маладзёжных парламентаў, створаных пры раённых Саветах дэпутатаў, — адзначыла Алена Пасюта.

— На сённяшнім пасяджэнні Алена Васільеўна сказала, што моладзь — гэта не заўтрашні дзень, а сёння нашай краіны, — адзначыла адзінаццацікласніца СШ г.п. Мір імя Г.І. Сташэўскай Арына Мікула. — Гэта вельмі важна, што ўлада наладзіла дыялог з намі, цікавіцца нашымі памкненнямі і планамі.