У рамках правядзення месячніка па добраўпарадкаванні, які пачаўся 2 красавіка і прадоўжыцца да 2 мая, працоўныя калектывы прадпрыемстваў і арганізацый Карэліччыны ўжо прыступілі да генеральнай уборкі пасля зімовых месяцаў.
Адным з першых навядзіць парадак на замацаванай тэрыторыі пачаў працоўны калектыў цэнтральнай раённай аптэкі №65. Тэхнічныя работнікі сваімі сіламі абрэзалі галіны і пабялілі ствалы дрэў, прыбралі тэрыторыю каля аптэкі.
Спецыялісты ўпраўлення сельскай гаспадаркі Карэліцкага райвыканкама з энтузіязмам прыводзілі ў належны стан берагавую тэрыторыю каля рэчкі Руткі: ачышчалі ад смецця, зграбалі леташнюю расліннасць і высякалі хмызнякі.
З першых дзён месячніка па добраўпарадкаванні работнікі РУП ЖКГ актыўна працуюць на вуліцах г.п. Карэлічы і г.п. Мір: падмятаюць дарогі і тратуары,наводзяць парадак у месцах грамадскага карыстання. Таксама прыступілі да па пабелкі дрэў. Да таго ж напярэдадні Вялікадня і Радуніцы вялікая ўвага надзяляецца добраўпарадкаванню 13 могілак, якія знаходзяцца на балансе прадпрыемства.
Спецылісты райЦГЭ таксама актыўна прыбіраюць прылягаючую тэрыторыю.
Мясцовая вертыкаль улады ачышчае берагавую лінію р. Руткі, якая цячэ ўздоўж вул. Кастрычніцкай, ад хмызнякоў.
Аксана ЯНУШ.
Фота аўтара.
