20 і 21 лютага ва УА «Мірскі дзяржаўны мастацкі прафесійна-тэхнічны каледж» праходзіў абласны адборачны этап рэспубліканскага конкурсу прафесійнага майстэрства WorldSkills Belarus 2020.
У кампетэнцыі «Вытворчасць мэблі» за магчымасць прадстаўляць Гродзенскую вобласць на рэспубліканскім конкурсе WorldSkills Belarus спаборнічалі найлепшыя навучэнцы вобласці: юнакі з тэхналагічнага каледжа УА «Гродзенскі дзяржаўны ўніверсітэт імя Я. Купалы» і наш навучэнец, сярэбраны прызёр рэспубліканскага конкурсу WorldSkills Belarus 2018 Яўгеній Чэрнік.
Па выніках прадуктыўнай конкурснай праграмы пераможцам быў прызнаны Яўгеній Чэрнік, навучэнец групы 10 «ПГС» нашага каледжа.
Ва ўрачыстай абстаноўцы пераможцу і прызёраў конкурсу павіншавалі намеснік упраўлення прафесійнай адукацыі і прафарыентацыі Гродзенскага абласнога інстытута развіцця адукацыі Сіргіт Юрый Уладзіслававіч і дырэктар Мірскага прафесійна-тэхнічнага каледжа Кадлубай Наталля Леанідаўна.
Мы таксама жадаем Яўгену поспехаў у падрыхтоўцы да рэспубліканскага конкурсу WorldSkills Belarus 2020 і спадзяёмся на пераможны вынік.
Канстанцін ПЕТРЫМАН, намеснік дырэктара УА «Мірскі дзяржаўны мастацкі прафесійна-тэхнічны каледж»
