
“Моладзь ФЭСТ” стаў увасабленнем весялосці і крэатыву.
Упэўніцца ў тым, якая багатая на таленты Гродзеншчына, можна было падчас канцэртнай праграмы маладых удзельнікаў аматарскай творчасці вобласці “Спеўная талака”.


На адкрытай сцэне з каляровымі пражэктарамі развярнулася “Tik-Tok party”. Разам з артыстамі моладзевай вечарыны кожны мог паспяваць і патанчыць. Энергія біла ключом!


Вясёлы настрой задаваў фестываль фарбаў “ColorFest”. Тут і там мільгалі радасныя твары дзяцей і дарослых, расфарбаваныя ўсімі колерамі вясёлкі.
– Яркія фарбы – гэта так здорава! – падзяліліся госці свята. – Дзеці ў захапленні! Мы зрабілі шмат здымкаў і запомнім дажынкі надоўга.

Моладзевы event запрашаў жадаючых паспрабаваць сябе ў спрытнасці на васьмі зонах актыўнасці.
Тут жа можна было падсілкавацца і адпачыць.
А яшчэ – сфатаграфавацца з неверагодна прыгожымі жывымі скульптурамі тэатра з горада Брэста “Ларчык”.



Нікога не пакінула абыякавым бітва кавер-бэндаў Гродзеншчыны “Без цукру”, “Крэатыў Бэнд” і “Хіт Хантэр”. Сапраўдны марафон жывой музыкі і прафесійнага выканання папулярных хітоў!
Оперативные и актуальные новости Гродно и области в нашем Telegram-канале. Подписывайтесь по ссылке!







