20 снежня ў раённым Цэнтры культуры і народнай творчасці цесна ад прывітальных поціскаў рук, цёпла ад добрых слоў пажаданняў і радасных сустрэч. Адно з галоўных прадпрыемстваў раёна, ААТ “Карэлічы-Лён”, святкуе свой 50-гадовы юбілей, ушаноўвае сваіх працаўнікоў, ветэранаў, славіць беларускі шоўк.
На свята льнаводаў раёна запрошаны цяперашнія і былыя работнікі галіны, кіраўніцтва і кіраўнікі сельгаспрадпрыемстваў раёна, аблвыканкама, сацыяльныя партнёры.
На другім паверсе ўстановы культуры госці ўрачыстасці з цікавасцю знаёміліся з выставамі, якія расказваюць пра гісторыю прадпрыемства, дэманструюць прадукцыю, якая вырабляецца прадпрыемствам сёння. Аматары сэлфі рабілі памятныя фотаздымкі на з густам аформленай фотазоне.
Пачалася ўрачыстасць паказам кінастужкі, якая дэманстравала разхвіццё і дзейнасць флагмана перапрацоўчай прамысловасці Карэліччыны – ААТ “Карэлічы-Лён”.
Са словамі прывітання да юбіляраў і гасцей урачыстасці звярнуўся старшыня райвыканкама Андрэй Гардзей:
— Сімвал нацыі і брэнд краіны. Менавіта так можна сказаць пра беларускі лён. Гэта частка нашай гісторыі. Невыпадкова культуру называюць палітычнай. Кветкі лёну ўплецены ў герб краіны, гэта ўсе ведаюць. Развіццё гэтай галіны знаходзіцца на пастаянным кантролі Прэзідэнта Рэспублікі Беларусь Аляксандра Рыгоравіча Лукашэнкі. Адрадзіць былую славу беларускага лёну – пад такім дэвізам ідзе сур’ёзнае абнаўленне льнаводства ў Рэспубліцы Беларусь.
Лён у Беларусі – культура, якая ўносіць важкі ўклад у эканоміку.
У снежні 1974 года Карэліцкі льнозавод быў уведзены ў эксплуатацыю. У 1995 годзе ператвораны ў ААТ “Карэлічы-Лён”. У 2015 годзе пасля рэарганізацыі льнопрадпрыемстваў Гродзенскай вобласці да ААТ “Карэлічы-Лён” далучылі ААТ “Навагрудская льнонасеннестанцыя” і ААТ “Лідлён”. За мінулыя гады на заводзе адбыліся перамены: мадэрнізацыя, рэканструкцыя састарэлых ліній, абнаўленне матэрыяльна- тэхнічнай базы, стварэнне камфортных умоў працы.
Нягледзячы на пэўныя цяжкасці, прадпрыемства мае станоўчыя вынікі. Так, за апошнія тры гады аб’ём вытворчасці вырас у 2,5 раза (235,2%). За студзень-лістапад 2024 года прадпрыемствам выраблена таварнай прадукцыі ў фактычных цэнах на 20 млн. рублёў, што на 10% вышэй узроўню 2023 года.
Выручка ад рэалізацыі прадукцыі за студзень-лістапад 2024 г. склала 25 826 тыс. руб.
Ваш юбілей – гэта вяршыня вялікага складанага шляху. А гісторыя прадпрыемства
перш за ўсё – гісторыя простых людзей, сапраўдных працаўнікоў —высокакваліфікаваных, працавітых, са шматгадовым стажам. У вашай арганізацыі цэняць не толькі традыцыі добрасумленнай працы, але і ўзаемапавагі, і сяброўства.
Сёння асаблівыя словы ўдзячнасці хачу сказаць ветэранам працы, якія прысутнічаюць у гэтай зале. Дзякую вам за шматгадовую добрасумленную працу, за бясцэнны вопыт і мудрасць.
Выказваю ўсім глыбокую падзяку за адданасць сваёй справе, беражлівае і руплівае вядзенне работ на роднай зямлі, за ваш неацэнны ўклад ва ўмацаванне эканомікі раёна, вобласці і нашай Рэспублікі Беларусі.
Жадаю ўпісаць у гісторыю прадпрыемства яшчэ шмат яркіх старонак. Няхай ажыццяўляюцца ўсе вашы смелыя планы. Ад усёй душы жадаю ўсім моцнага здароўя, невычэрпнай энергіі, душэўнага камфорту і дабрабыту!
Андрэй Валер’евіч уручыў Ганаровую грамату Карэліцкага райвыканкама майстру змены Валянціне Сінкевіч.
Павіншаваў з нагоды юбілейнай даты льнаводаў Карэліччыны старшыня камітэта па сельскай гаспадарцы і харчаванні Гродзенскага абласнога выканаўчага камітэта Ігар Сарокін. У сваім выступленні ён адзначыў, што ўсе сённяшнія дасягненні прадпрыемства, а яны немалыя, – заслуга ўсяго калектыву, які добрасумленна працуе на вытворчасці. Ён падкрэсліў значнасць дадзенага акцыянернага таварыства для раёна, вобласці, рэспублікі і выказаў надзею, што калектыў завода, усведамляючы важнасць работы прадпрыемства, будзе і далей працаваць добрасумленна, з поўнай самааддачай. Ігар Аляксандравіч уручыў Ганаровую грамату Міністэрства сельскай гаспадаркі дырэктару ААТ “Карэлічы-Лён” Фёдару Жуку, а таксама Ганаровую грамату аблвыканкама – галоўнаму аграному прадпрыемства Яўгенію Жуку і начальніку ўчастка па нарыхтоўцы льнотрасты, вытворчасці і перапрацоўцы льновалакна Ліліі Чачотка.
Падзяку старшыні Гродзенскага аблвыканкама атрымаў трактарыст Аляксандр Кныш і тэхнік-тэхнолаг Надзея Радзецкая. Ганаровую грамату камітэта сельскай гаспадаркі і харчавання Гродзенскага аблвыканкама ўручылі трактарысту Ігару Дасько, наладчыку тэхналагічнага абсталявання Сямёну Панкову, вадзіцелю аўтобуса Аляксандру Пансевічу, майстру па рамонце абсталявання Леаніду Ульянка, здымшчыцы валакна Алене Шушко.
На сцэну запрасілі дырэктара ААТ “Карэлічы-Лён” Фёдара Жука. Кіраўнік у сваім выступленні адзначыў, што лён можа вырошчваць толькі той, хто яго любіць. Яркую гісторыю прадпрыемства стварала не адно пакаленне і кожнае ўносіла свой адчувальны ўклад у агульную справу. Ва ўсе часы калектыў свята захоўвае свой кадравы патэнцыял, найбагацейшы прафесійны вопыт, гонар за ветэранаў, якія ўпісалі не адну слаўную старонку ў гісторыю галіны сваёй вытворчасці і роднага краю. Ён падзякаваў усім за сумленную працу і выказаў шчырыя словы віншавання працаўнікам.
Ветэранам працы ўручылі кветкі. Ветэран вытворчасці Нэлі Мікалаеўна Хіневіч ад сябе асабіста і ад усіх былых работнікаў завода павіншавала з нагоды свята льнаводаў.
– У 90-х гадах было складана, не плацілі заработную плату, а зараз камфортныя умовы працы, дастойная зарплата, – зазначыла прамоўца.
Ветэран працы, удзельнік паэтычнага клуба “Рэчанька” Марыя Уладзіміраўна Палуян з вялікай сцэны даслала паэтычнае прывітанне.
Шмат добрых слоў у адрас былых і цяперашніх работнікаў прагучала ад старшыні раённага Савета дэпутатаў Аляксея Гаўроша.
Ганаровай граматай Гродзенскага абласнога Савета дэпутатаў узнагароджана майстар цэха паглыбленай перапрацоўкі Наталля Дасько. Падзячнае пісьмо Гродзенскага абласнога Савета дэпутатаў атрымала бухгалтар Аксана Агурцова.
Ганаровай граматай Карэліцкага раённага Савета дэпутатаў узнагароджаны вадзіцель аўтамабіля Ігар Самец. Падзячнае пісьмо Карэліцкага раённага Савета дэпутатаў атрымаў вадзіцель Віталій Александровіч.
Для ўзнагароджання на сцэну падняўся першы намеснік генеральнага дырэктара ААТ “Кіруючая кампанія холдынгу “Гроднааблсельгастэхніка” Андрэй Белазаровіч.
Ганаровай граматай ААТ “Кіруючая кампанія холдынгу “Гроднааблсельгастэхніка” ўзнагароджаны: трактарыст Дзмітрый Дзядзюшка,
вартаўнік Аляксандр Яфрэмаў , сартавальнік сыравіны Тамара Карповіч, аператар струменевай лініі па выпрацоўцы валакна Аксана Лугаўская, майстар змены Ірына Семяновіч. Ганаровую грамату Рэспубліканскага аб’яднання “Белаграсэрвіс” атрымаў галоўны інжынер Іван Лаўровіч.
Высока ацэньваючы вынікі працы карэліцкіх ільнаводаў, выказаў словы падзякі работнікам за іх працу і актыўны ўдзел у культурным і грамадскім жыцці раёна намеснік старшыні райвыканкама, старшыня Карэліцкага РА партыі “Белая Русь” Яўген Чычкан. Ён уручыў Падзяку галоўнаму бухгалтару ААТ “Карэлічы-Лён” Вользе Рабко.
За 50 гадоў ААТ “Карэлічы-Лён” прайшло слаўны шлях да буйнога прамысловага прадпрыемства. А за яго поспехам стаіць згуртаваны калектыў высокакваліфікаваных спецыялістаў і рабочых. Дырэктар прадпрыемства Жёдар Жук уручыў Граматы адкрытага акцыянернага таварыства “Карэлічы-Лён” работнікам: сартавальніку сыравіны і валакна Ірыне Аляшкевіч, слесару-сантэхніку Івану Бобрыку, вядучаму інжынеру-механіку Алегу Булаку, майстару змены Святлане Буцкевіч, насенняводу Юрыю Буцкевічу, начальніку транспартнай службы Аляксандру Волчаку, прыбіральшчыку памяшканняў Святлане Грышкевіч, намесніку дырэктара Андрэю Комару, прэсоўшчыку валакна, гатовай прадукцыі і адходаў Віктару Кудло, галоўнаму энергетыку Мікалаю Кавалевічу, загадчыку гандлёвага аб’екта грамадскага харчавання Алене Лазарэвіч, аператару лініі адціску раслінных алеяў Юрыю Масло, наймальніку Яніне Мік’янец, вадзіцелю аўтобуса Юрыю Патуку, прэсоўшчыку валакна, гатовай прадукцыі і адходаў Івану Петрушэўскаму, галоўнаму бухгалтару Вользе Рабко, трактарысту Віктару Ралёнку, аператару сушыльнага абсталявання Алене Санюк, наймальніку Алене Семянюк-Бесан, тэхніку-тэхнолагу Святлане Скок, токару Мечыславу Сабалеўскаму, вадзіцелю аўтамабіля Аляксандру Таратуце.
– Юбілейная дата – выдатная нагода выказаць словы ўдзячнасці людзям, якія звязалі свой лёс з ільнаводствам і ўнеслі значны ўклад у яго развіццё, – адзначыла старшыня Карэліцкай раённай прафсаюзнай арганізацыі Беларускага прафсаюза работнікаў АПК Ірына Пянькоўская. – Вашы стараннасць, згуртаванасць у дасягненні агульных перамог, нацэленасць на вынік і працавітасць заслугоўваюць вялікай падзякі і павагі.
Ірына Леанідаўна ўручыла дырэктару Фёдару Жуку сертыфікат Гродзенскай абласной прафсаюзнай арганізацыі Беларускага прафсаюза работнікаў АПК на ўмацаванне матэрыяльна-тэхнічнай базы прадпрыемства.
Падзякай Гродзенскага абласнога камітэта Беларускага прафсаюза работнікаў аграпрамысловага комплексу ўзнагароджаны трактарыст Аляксандр Рачынскі, а Падзячным пісьмом Гродзенскага абласнога камітэта Беларускага прафсаюза работнікаў аграпрамысловага комплексу – повар Таццяна Гоцка.
Ірына Леанідаўна ўручыла Ганаровую грамату Карэліцкага райкама прафсаюза работнікаў АПК майстру змены Людміле Клачок, Падзяку Карэліцкага райкама прафсаюза работнікаў АПК – аператару льночасальнай машыны Сяргею Бураку.
Падзячным пісьмом Карэліцкага райкама прафсаюза работнікаў АПК узнагароджаны: трактарыст Дзмітрый Донь, сартавальнік валакна Алена Чэмярыс.
Прафсаюзны лідар уручыла пярвічнай прафсаюзнай арганізацыі ААТ “Карэлічы-Лён” сертыфікат на турыстычную паездку па Беларусі.
Цёплыя словы калегам адрасавала і старшыня пярвічнай прафсаюзнай арганізацыі прадпрыемства Наталля Дасько. Яна ўручыла Падзячнае пісьмо пярвічнай прафсаюзнай арганізацыі ААТ “Карэлічы-Лён” электраманцёру па рамонце і абслугоўванні электраабсталявання Валерыю Камкову, аграному Эльвіры Карыцька, прыбіральшчыку памяшканняў Вользе Русак, галоўнаму эканамісту Анастасіі Тананка, аператару сушыльнага абсталявання Сяргею Чачотку, сартавальніку сыравіны і валакна Таццяне Шульзе.
Падчас мерапрыемства нумары мастацкай самадзейнасці аграрыям перапрацоўчай прамысловасці падарылі работнікі культуры раёна. Заключным акордам свята стала выступленне артыстаў Лідскага эстрадна-сімфанічнага аркестра.
Ветэран працы ААТ ”Карэлічы-Лён” Ірына Іванаўна Нікалюк расказала:
– Мая працоўная дзейнасць на заводзе пачалася ў далёкім 1974 годзе. Я была, як кажуць, жывым сведкам яго гісторыі. На ўсё жыццё мне запомніліся словы першага дырэктара льнозавода Анатолія Імпалітавіча Букі, які гаварыў, што трэба зрабіць так, каб, калі прыйдуць сюды нашы дзеці, нам не было сорамна. Сёння з гонарам магу сказаць, што невялікі завод ператварыўся ў моцнае і перспектыўнае прадпрыемства, якое па праве можа ганарыцца сваімі эканамічнымі паказчыкамі і інавацыямі. А Карэліччына тым, што менавіта тут расце і развіваецца такое прадпрыемства. Завод перажываў і ўзлёты, і падзенні, але гэта не перашкодзіла яму дамагчыся значных змен: удасканаліць тэхналогію вытворчасці, павялічыць асартымент прадукцыі. Жадаю ўсім моцнага здароўя і дабрабыту, а сённяшняму калектыву і далей развіваць вытворчасць, не стаяць на месцы, праслаўляць камбінат працоўнымі поспехамі.
Аператар паточнай лініі ААТ “Карэлічы-Лён” Алена Петрушэўская падзялілася:
— Думаю, што для кожнага работніка нашага завода паўвекавы юбілей прадпрыемства — сапраўднае свята. Асабіста я ўжо трыццаць гадоў тут працую і ніколі не пашкадавала, што аднойчы выбрала такі шлях. Упэўнена, што за ўсімі дасягненнямі завода стаяць людзі — яны з’яўляюцца галоўным яго багаццем. Таму ўсім работнікам жадаю здароўя, дабрабыту і міру.
Кацярына КУКАНАВА
Фота і відэа Сяргея СТОЛЯРА
