Паважаныя праваслаўныя хрысціяне Карэліцкага раёна!
Сардэчна віншуем вас з цудоўным, светлым святам Нараджэння Хрыстова!
Нараджэнне Хрыстова дазваляе глыбей асэнсаваць каштоўнасці быцця, адчуць радасць і сэнс жыцця чалавека, усяляе ў сэрцы веруючых надзею на выкананне самых запаветных жаданняў. Мы чакаем яго з нецярпеннем і надзеяй і гатовыя падзяліцца радасцю, віншаваннямі і падарункамі з усімі, хто нас акружае.
Добрай традыцыяй у многіх сем’ях стала сумеснае святкаванне Нараджэння Хрыстова. Бо так часта ў паўсядзённай мітусні нам не хапае часу на простыя чалавечыя пачуцці, на зносіны з блізкімі, сябрамі, на ўвагу да самых родных для нас людзей.
Няхай святло каляднай зоркі ніколі не згасае ў сэрцах праваслаўных. А гэты новы 2020 год няхай будзе для ўсіх удалым і плённым, годам новых магчымасцяў, дасягненняў і міласэрных спраў.
Жадаем усім здароўя, шчасця, любові і дабрабыту!
Раённы выканаўчы камітэт
Раённы Савет дэпутатаў
