Са словамі ўдзячнасці і віншаваннем з Днём медыцынскага работніка да прысутных у зале звярнуўся старшыня Карэліцкага раённага выканаўчага камітэта Аляксандр Курыла:
— Ваша праца — не работа, а прызванне. Вы стаіце на варце аховы жыцця людзей і робіце гэта з пачуццём вялікай адказнасці. У жыцці шмат прафесій, але ў работнікаў у белых халатах яна з’яўляецца самай высакароднай. Вы выратоўваеце жыцці пацыентаў і вяртаеце іх да жыцця. Дзякуй, ветэраны аховы здароўя, за вашы вопыт і мудрасць — вы закладваеце трывалы фундамент будучаму, а маладое пакаленне прадаўжае вашу справу. Моцнага вам здароўя — менавіта таго, што вы дарыце людзям, утульнасці ў дамах, шчасця і дабра! Няхай вам у жыцці спадарожнічаюць поспех і ўдача!
Ганаровай граматай старшыні Карэліцкага раённага выканаўчага камітэта ўзнагароджваецца медыцынская сястра тэрапеўтычнага аддзялення УАЗ «Карэліцкая ЦРБ» Ала Харошка, Падзячным пісьмом старшыні Карэліцкага раённага выканаўчага камітэта — фельчар-лабарант (старшы) клініка-дыягнастычнай лабараторыі УАЗ «Карэліцкая ЦРБ» Алена Ляхава, фармацэўт-рэцэптар цэнтральнай раённай аптэкі № 65 Уладзіслава Крывапуст, памочнік урача-эпідэміёлага Карэліцкага раённага Цэнтра гігіены і эпідэміялогіі Алёна Бязмен.
Медыцынскіх работнікаў раёна шчыра павіншаваў старшыня раённага Савета дэпутатаў Аляксей Гаўрош, які ў сваёй прамове адзначыў, што менавіта медыцынскія работнікі першыя сустракаюць чалавека пры яго нараджэнні і суправаджаюць на працягу жыцця да глыбокай старасці. Пажадаў, каб па жыцці медыцынскія работнікі заўсёды ішлі з усмешкай, як у дзень прафесійнага свята, а таксама — здароўя, шчасця, дабрабыту.
Ганаровая грамата Карэліцкага раённага Савета дэпутатаў уручаецца медыцынскай сястры шматпрофільнага міжраённага аддзялення медыцынскай рэабілітацыі УАЗ «Карэліцкая ЦРБ» Антаніне Кадуцкай,
галоўнаму дзяржаўнаму санітарнаму ўрачу Карэліцкага раёна — галоўнаму ўрачу ДУ «Карэліцкі раённы Цэнтр гігіены і эпідэміялогіі» Аляксандру Германюку, Падзячнае пісьмо Карэліцкага раённага Савета дэпутатаў — медыцынскай сястры (старшай) аддзялення анестэзіялогіі і рэанімацыі УАЗ «Карэліцкая ЦРБ» Вользе Шахоўскай.
З прафесійным святам калектыў медыцынскіх работнікаў раёна павіншавала галоўны ўрач УАЗ «Карэліцкая цэнтральная раённая бальніца» Данута Скварада, якая ў сістэме аховы здароўя працуе трыццаць гадоў. «Нізкі паклон усім вам за працу, цярпення і ўмення прыйсці людзям на дапамогу. Заставайцеся здаровымі самі і вашы родныя і блізкія. Яснага сонца і добрых дзён!» — сказала галоўны ўрач і падзякавала ветэранаў працы, маладых заклікала даражыць абранай справай.
Падзяку Міністра аховы здароўя Рэспублікі Беларусь атрымлівае ўрач стаматолаг-тэрапеўт Лукскай амбулаторыі ўрача агульнай практыкі Святлана Ялак.
Намеснік старшыні Карэліцкага раённага выканаўчага камітэта, старшыня раённага аддзялення партыі «Белая Русь» Яўген Чычкан адзначыў, што на нарадах з медыкамі абмяркоўваюцца важныя накірункі дзейнасці, а сёння дзякуем за працу. Вы выратоўваеце жыцці людзей і гатовыя прыйсці на дапамогу ў любую хвіліну. Яўген Мікалаевіч назваў медыцынскіх работнікаў моцнай камандай, яны валодаюць вопытам у працы і з агеньчыкам у вачах. Пажадаў ім удзячных пацыентаў і моцнага здароўя. Уручыў падарачны сертыфікат.
Ганаровая грамата начальніка галоўнага ўпраўлення аховы здароўя Гродзенскага абласнога выканаўчага камітэта адрасоўваецца ўрачу анестэзіёлагу-рэаніматолагу УАЗ «Карэліцкая ЦРБ» Юліі Шнок і медыцынскай сястры аддзялення рэабілітацыі УАЗ «Карэліцкая ЦРБ» Марыі Грэмяка, Падзяка гэтай установы — фельчару-лабаранту клініка-дыягнастычнай лабараторыі УАЗ «Карэліцкая ЦРБ» Наталлі Крывіцкай, медыцынскай сястры Лукскай бальніцы сястрынскага догляду Ірыне Жураўлёвай, медыцынскай сястры тэрапеўтычнага аддзялення УАЗ «Карэліцкая ЦРБ» Святлане Казловай.
Уручаюцца ўзнагароды ад УАЗ «Карэліцкая цэнтральная раённая бальніца»: Ганаровую грамату атрымалі ўрач стаматолаг-тэрапеўт стаматалагічнага кабінета УАЗ «Карэліцкая ЦРБ» Алена Гурына, медыцынская сястра па фізіятэрапіі фізіятэрапеўтычнага кабінета Мірскай гарпасялковай бальніцы Таццяна Гурына, вадзіцель аўтамабіля аддзялення хуткай медыцынскай дапамогі УАЗ «Карэліцкая ЦРБ» Уладзімір Кузьміч, Падзяку гэтай установы — урач агульнай практыкі раённай паліклінікі УАЗ «Карэліцкая ЦРБ» Вольга Клышэўская і медыцынская сястра аддзялення сятрынскага догляду Мірскай гарпасялковай бальніцы Наталія Салаўёва, медыцынская сястра па фізіятэрапіі фізіятэрапеўтычнага аддзялення рэабілітацыі УАЗ «Карэліцкая ЦРБ» Святлана Шавейка.
На свяце ўшанаваны пераможца конкурсу «Урач года Рэспублікі Беларусь-2025» у намінацыі «Урач агульнай практыкі» — урач агульнай практыкі, загадчык Турэцкай амбулаторыі ўрача агульнай практыкі УАЗ «Карэліцкая ЦРБ» Іван Паўлючык.
Асаблівыя словы падзякі былі адрасаваны ветэранам аховы здароўя раёна, чыя праца залатымі літарамі ўпісана ў гісторыю бальніц і паліклінік. На сцэну была запрошана Лілія Шастак, якая доўгі час працавала ўрачом-педыятрам, загадчыкам педыятрычнага аддзялення УАЗ «Карэліцкая ЦРБ». Яна падзякавала калектыў і адміністрацыю, якія памятаюць пра ветэранаў працы і запрасілі на свята. Прызналася, што памятае ўсе выпадкі ў медыцынскай практыцы, што сагравае душу. Пажадала натхнення, цярпення, любові, каб не скупіліся на цёплыя словы і добрую ўсмешку, і гэта абавязкова вернецца ў жыцці. Моцнага здароўя, каб ажыццяўляліся мары!
Разам з тым было ўшанавана і маладое пакаленне галіны медыцыны раёна са словамі: «Вы — наша надзея і апора». Яны ў сваю чаргу адзначылі, што прафесія медыка патрабуе не толькі вялікіх ведаў, але добрага сэрца. Пажадалі невычэрпнай энергіі і поспехаў у жыцці.
Радасць свята падзяліць з медыкамі прыйшлі спонсары. Яны адрасоўвалі медыкам словы ўдзячнасці за іх працу і зычылі здароўя, міру, дабра. «Гэтае сяброўства шчырае і вернае. Здароўя ўсім вам, а мы будзем на яго варце», — адзначыла галоўны ўрач УАЗ «Карэліцкая ЦРБ» Данута Скварада.
На ўрачыстасць завіталі і калегі з сацыяльнай галіны. Начальнік упраўлення па працы, занятасці і сацыяльнай абароне райвыканкама Іна Богуш прачытала прывітальны адрас медыкам раёна, астатнія выказалі словы ўдзячнасці ў іх адрас і пажаданні здароўя, дабрабыту, поспехаў у працы. Сапраўды, трэба валодаць вялікім цярпеннем, уважлівасцю і міласэрнасцю, каб заслужыць давер людзей.
Для віншаванняў на сцэну запрашаецца старшыня прафсаюзнага камітэта УАЗ «Карэліцкая ЦРБ» Марыя Грэмяка. Памятныя падарункі ўручаюцца пятнаццаці работнікам, якія працуюць у медустановах раёна. Сярод іх — медыцынскія сёстры, медыцынскі статыстык, кухонныя рабочыя, рэгістратар, вадзіцель, ліфцёр, санітаркі.
Слова трымаў галоўны дзяржаўны санітарны ўрач Карэліцкага раёна — галоўны ўрач ДУ «Карэліцкі раённы Цэнтр гігіены і эпідэміялогіі» Аляксандр Германюк, які выказаў словы ўдзячнасці работнікам эпідэміялагічнай службы раёна, якія абараняюць здароўе насельніцтва і забяспечваюць бяспеку, іх розум і прафмайстэрства з’яўляюцца закладам здароўя.
Ганаровай граматай ДУ «Гродзенскага абласнога Цэнтра гігіены, эпідэміялогіі і грамадскага здароўя» ўзнагароджваецца фельчар-лабарант Карэліцкага раённага Цэнтра гігіены і эпідэміялогіі Кацярына Капціловіч, Падзячным пісьмом установы — памочнік урача-гігіеніста Карэліцкага раённага Цэнтра гігіены і эпідэміялогіі Вікторыя Шыш.
Падзячнае пісьмо Гродзенскай абласной арганізацыі Беларускага прафсаюза работнікаў аховы здароўя ўручаецца памочніку ўрача-эпідэміёлага Карэліцкага раённага Цэнтра гігіены і эпідэміялогіі Вользе Калядзе.
Урач-гігіеніст санітарна-эпідэміялагічнага аддзела гэтай установы
Валянціна Бузюк атрымлівае Ганаровую грамату Карэліцкага раённага Цэнтра гігіены і эпідэміялогіі, сакратар Жанна Шыш — Падзячнае пісьмо гэтай установы.
Благачынны Карэліцкай царкоўнай акругі, іерэй Ігар Пірог нагадаў словы са Свяшчэнняга Пісання: «Почитай врача по надобности в нем». Па абавязку службы святару прыходзіцца бываць у бальніцах і сустракацца з хворымі, якія выказваюць словы падзякі медыкам. Ігар Пірог пажадаў ім здароўя, каб Гасподзь дапамагаў, у якасці падарунка Карэліцкай ЦРБ уручыў карціну Свяціцеля Лукі.
На ўрачыстасці прагучала шмат пажаданняў з нагоды Дня медыцынскага работніка. Прадстаўнікам аховы здароўя раёна жадалі надзеі і святла, здароўя і шчасця, каб Гасподзь ахоўваў іх у нялёгкі час. Цудоўныя мелодыі дарылі прысутным у зале медработнікі і работнікі культуры раёна. Былі паказаны відэафільмы, знайшлося месца і жартам. Уручаны падарункі медыкам і гасцям свята.
Адным словам, урачыстасць атрымалася па-сапраўднаму добрай і хвалюючай. Спадзяюся, яна надоўга застанецца ў памяці.
Галіна СМАЛЯНКА
Фота Кацярыны ЖАМОЙДЫ
