У адпаведнасці з Правіламі вядзення паляўнічай гаспадаркі і палявання, зацверджанымі Указам Прэзідэнта Рэспублікі Беларусь ад 5 снежня 2013 №551, з 1 верасня 2018 па 31 сакавіка 2019 адкрываецца паляванне на бабра і выдру. Да здабычы дазволены жывёлы любога полу і ўзросту.
Паляваць на гэтыя віды жывёл дазваляецца ў светлы час сутак, як ружэйным (з засады, з падыходу), так і безружэйным спосабамі. Пры ружэйным паляванні дапускаецца выкарыстанне як наразной (з дульнай энергіяй кулі звыш 1500 джоўлей), так і гладкаствольнай (з выкарыстаннем патронаў, забяспечаных куляй або карцеччу) паляўнічай зброі. Таксама могуць прымяняцца і паляўнічыя лукі і арбалеты.
Пры ажыццяўленні безружэйнага палявання дазваляецца ўжываць пасткі №3-7, лавушкі (акрамя петляў). Для зняцця пастак дазволена выкарыстоўваць паляўнічых сабак усіх парод, акрамя ганчакоў і хартоў.
Звяртаем увагу паляўнічых, што з 25 верасня 2018 года ўступаюць у сілу новыя Правілы вядзення паляўнічай гаспадаркі і палявання, зацверджаныя Указам Прэзідэнта Рэспублікі Беларусь ад 21 сакавіка 2018 №112, у якіх змененыя правілы палявання на гэтыя віды паляўнічых жывёл (устаноўлена пунктам 8 дадатку 2 да Правіл).
Так, паляваць на гэтыя віды жывёл дазваляецца на працягу сутак, у цёмны час сутак у прысутнасці службовай асобы карыстальніка паляўнічых угоддзяў, як ружэйным (з засады, з падыходу), так і безружэйным спосабамі. Пры ружэйным паляванні дапускаецца выкарыстанне як наразной (з дульнай энергіяй кулі звыш 1500 джоўлей), так і гладкаствольнай (з выкарыстаннем патронаў, забяспечаных куляй або карцеччу) паляўнічай зброі. Таксама могуць прымяняцца і паляўнічыя лукі і арбалеты.
Пры ажыццяўленні безружэйнага палявання дазваляецца ўжываць пасткі, лавушкі (акрамя петляў). Для зняцця пастак дазволена выкарыстоўваць паляўнічых сабак усіх парод, акрамя ганчакоў і хартоў.
З першай суботы верасня (1 верасня) па другую нядзелю снежня (9 снежня), паводле Правілаў вядзення паляўнічай гаспадаркі і палявання, зацверджаных Указам Прэзідэнта Рэспублікі Беларусь ад 5 снежня 2013 №551 (таксама ў Правілах вядзення паляўнічай гаспадаркі і палявання, зацверджаных Указам Прэзідэнта Рэспублікі Беларусь ад 21 сакавіка 2018 №112, якія ўступаюць у сілу з 25.09.2018 года), дазваляецца паляванне на рабчыка і курапатку шэрую.
Рабчык уяўляе сабой птушку невялікіх памераў. Жыве птушка ў густых іглічных і змешаных лясах. Перавагу аддае такім дрэвам, як елка. У даўжыню птушка дасягае 35-40 см. Вага складае 350-550 грам. У цэлым у гэтага прадстаўніка фазанавых шэры верх, карычневыя крылы і белы ніз з каштанавымі ўкрапінамі.
Шэрая курапатка з’яўляецца адным з самых любімых трафеяў паляўнічых. Гэтая невялікая птушка, падобная на хатнюю курыцу, важыць усяго каля чатырохсот грам пры даўжыні цела ў трыццаць сантыметраў. Нават голас у шэрай курапаткі падобны на кудахтанне хатніх наседак, а самца выдае знаёмае «кукарэку». Характэрнай дэталлю гэтага віду з’яўляецца афарбоўка — яна залежыць ад таго, у якім месцы жыве шэрая курапатка. У цэлым гэта птушкі шэрай афарбоўкі. На птушачцы таксама прысутнічаюць поласы карычневага колеру, якія і адрозніваюць від, а таксама россып цёмных кропак на пер’ях.
Звычайна гэты від птушак не праводзіць жыццё ў небе. Яны аддаюць перавагу зямлі.
Паляванне на рабчыка і курапатку шэрую дазваляецца ў светлы час сутак, як ружэйным (з засады, з падыходу), так і безружэйным спосабамі. Дазволеныя прылады палявання — гладкаствольная паляўнічая зброя з выкарыстаннем патронаў, забяспечаных шротам; паляўнічыя сабакі: выжал, спаніэлі, рэтрывер. Пры безружэйным спосабе палявання — лоўчыя птушкі. Да здабычы дазволены птушкі любога полу і ўзросту.
Сяргей КРУПІЧ,
начальнік Навагрудскай міжраённай інспекцыі аховы жывёльнага і расліннага свету
