Цёмнымі снежаньскімі вечарамі так і хочацца ўспомніць усё тое добрае, цікавае і карыснае, чым былі напоўнены нашы дні ў 2024 годзе. Успомніць і яшчэ раз падумаць над тым, як жылі, чым займаліся, куды і чаму спяшаліся. Пад Новы год, здаецца, самы час паразважаць над сэнсам жыцця.
Нягледзячы на зменлівае надвор’е, мы знаходзімся ў радасным пераднавагоднім настроі. Новы 2025 год ідзе нам насустрач з добрымі пажаданнямі, віншаваннямі і падарункамі.
Стала добрай традыцыяй напярэдадні Новага года дарыць радасць кожнаму дзіцяці. Менавіта з гэтай мэтай у ДУА “ Райцаўская сярэдняя школа ім. У. А. Галавача” стартавала дабрачынная акцыя “ Нашы дзеці”. У дні акцыі падарункі атрымалі навучэнцы і выхаванцы дашкольных груп установы адукацыі. Законныя прадстаўнікі наведвалі навагоднія ранішнікі, на якіх іх сустракалі Дзед Мароз і Снягурачка, казачныя героі.
Канешне, самае важнае, каб кожнае дзіця атрымала не толькі падарункі, але і ўвагу, і клопат.
У рамках акцыі вучні ўстановы адукацыі наведалі СПЦ Карэліцкага раёна і прынеслі зробленыя сваімі рукамі маляўнічыя навагоднія цацкі. Ёлка стала прывабнай, раскошнай, зайграла ўсімі колерамі вясёлкі і будзе яшчэ доўгі час дарыць святочны настрой дзецям.
А сёння, напярэдадні Старога Новага года, хочацца пажадаць цяпла і радасці ў кожны дом, моцнага здароўя, шчасця, а галоўнае – святла ў душы, каб запаліліся ад яго і агеньчыкі ў душах нашых навучэнцаў.
А.А. Коўгар, намеснік дырэктара па выхаваўчай рабоце ДУА“Райцаўская сярэдняя школа ім. У.А. Галавача”
