Напачатку прадэманстравалі фільм «Як гэта было», які вярнуў удзельнікаў канферэнцыі ў тыя далёкія гады. На працягу апошніх гадоў прафсаюзы змаглі даказаць сваю эфектыўнасць, у іх існуе справа да ўсяго ў жыцці, у цэнтры ўвагі заўсёды чалавек працы. Сёння яны прадаўжаюць аказваць падтрымку і дапамогу.
Са справаздачай выступіла старшыня раённага камітэта прафесійнага саюза работнікаў адукацыі і навукі Ірына Кучко, якая прааналізавала вынікі працы за перыяд з 25 кастрычніка 2019 па 10 кастрычніка 2024 года.
Карэліцкая раённая арганізацыя Беларускага прафесійнага саюза работнікаў адукацыі і навукі налічвае 21 пярвічную арганізацыю. На 1 студзеня 2024 года ў яе радах было 760 членаў прафсаюза, на верасень бягучага года — 720.
За аналізуемы перыяд праведзена 9 пленумаў, 59 пасяджэнняў прэзідыума.
Праведзена вялікая работа па рэалізацыі Узгаднення паміж аддзелам адукацыі Карэліцкага раённага выканаўчага камітэта і Карэліцкай раённай арганізацыяй Беларускага прафесійнага саюза работнікаў адукацыі і навукі і калектыўных дагавораў на 2019-2022 гады і заключэнні Узгаднення і 23 калектыўных дагавораў на 2022-2025 г.г.
Адно з асноўных палажэнняў Узгаднення — павышэнне статуса работнікаў галіны, у тым ліку ў частцы павелічэння заработнай платы. Міністэрствам адукацыі ў справаздачным перыядзе ўведзены новыя ўмовы аплаты працы, якія ў поўнай меры рэалізаваны ў аддзеле адукацыі Карэліцкага райвыканкама. Сярэдняя заработная плата педагагічных работнікаў раёна за студзень-жнівень 2024 года склала 1397,5 рублёў, у тым ліку педагагічных работнікаў — 1921,5, настаўнікаў — 2052,1, выхавальнікаў — 1583,8 рублёў.
Павялічэнні заработнай платы садзейнічае павышэнне кваліфікацыйнай катэгорыі і ўзроўню адукацыі педагогаў. За перыяд з 1 верасня 2020 па 1 верасня 2024 года павысілі кваліфікацыйную катэгорыю 120 педагагічных работнікаў. З іх атрымалі вышэйшую кваліфікацыйную катэгорыю — 27 педагогаў, катэгорыю «настаўнік-метадыст» — 1, першую — 50, другую — 42. У 2023-2024 годзе атэстацыю прайшоў 31 педагагічны работнік.
Важным накірункам дзейнасці ў справаздачны перыяд было і застаецца ажыццяўленне грамадскага кантролю. Пытанні калектыўнага-дагаворнага рэгулявання, сацыяльнага партнёрства, выканання працоўнага заканадаўства, а таксама заканадаўства аб ахове працы вывучаюцца пры рабоце ў саставе камісіі па комплексным вывучэнні дзейнасці ўстаноў адукацыі. Праводзіцца грамадскі кантроль за захаваннем працоўнага заканадаўства ў форме маніторынгаў з выдачай рэкамендацый устаноўленага ўзору наймальнікам.
Шмат увагі ўдзяляецца рабоце з ветэранамі педагагічнай працы. У рамках акцыі «Ад усёй душы» былі арганізаваны з імі сустрэчы, наведванні на даму, накіраваны віншавальныя паштоўкі. Запрашаюцца яны як на мерапрыемствы, якія праводзяцца ва ўстановах адукацыі, так і на раённыя святы.
Яшчэ адзін накірунак работы — гэта работа з моладдзю. На прафсаюзным уліку стаіць 61 чалавек да 31 года — на 1 чэрвеня 2024 года. Сёлета на працу прыбылі 6 маладых спецыялістаў. Ва ўстановах адукацыі за кожным з іх замацаваны вопытны настаўнік, аказваецца дапамога ў пошуках жылля.
Наступны накірунак — выкананне праграмы турысцка-экскурсійнай дзейнасці і санаторна-курортнага лячэння і аздараўлення. Штогод арганізоўваюцца экскурсійныя паездкі.
Інфармаванне аб дзейнасці прафсаюзных арганізацый ажыццяўляецца з дапамогай старонак на сайце, сацыяльных сетак і інфармацыйных стэндаў у пярвічных прафсаюзных і раённых арганізацыях. Акрамя сайта вядзецца акаўнт у сацыяльнай сетцы Інстаграм. Для аператыўнага інфармавання старшынь створана група ў мэсанджары Вайбер.
Ірына Кучко засяродзіла ўвагу прысутных на прадаўжэнне работы па выкананні праграм дзейнасці і звярнула ўвагу на павышэнне сярэдняй заработнай платы работнікаў сістэмы адукацыі раёна, павелічэнні працэнта даплаты за кантрактную форму найма, правядзенне мерапрыемстваў па ўтрыманні 100-працэнтнага прафсаюзнага членства ў кожнай пярвічнай арганізацыі, удасканаленне навыкаў яе актыву ў частцы вядзення інфармацыйнай і растлумачальнай работы па найбольш актуальных эканамічных і сацыяльных пытаннях, прыняцце мер па эфектыўным супрацоўніцтве з УП «Белпрафсаюзкурорт» усіх пярвічных прафсаюзных арганізацый раёна.
Аб справаздачы рэвізійнай камісіі Карэліцкай раённай арганізацыі Беларускага прафесійнага саюза работнікаў адукацыі і навукі за перыяд з 25 кастрычніка 2019 па 10 кастрычніка 2024 года слова трымала яе старшыня Ганна Кавалевіч.
У абмеркаванні дакладаў прынялі ўдзел старшыня пярвічнай прафсаюзнай арганізацыі ДУА «Сярэдняя школа г.п. Мір імя Г. І. Сташэўскай» Ала Бойка («Развіццё сацыяльнага партнёрства як дасягненне аптымальных вынікаў у рабоце калектыву»), грамадскі інспектар па ахове працы пярвічнай прафсаюзнай арганізацыі ДУА «Цэнтр карэкцыйна-развіваючага навучання і рэабілітацыі Карэліцкага раёна» Кацярына Шавельдзіна («Ажыццяўленне грамадскага кантролю за захаваннем заканадаўства аб ахове працы»), загадчык ДУА «Дзіцячы сад г.п. Мір» Наталля Купрыенка («Захаванне гістарычнай памяці аб гераізме і подзвігах беларускага народа ў гады Вялікай Айчыннай вайны») і дырэктар ДУА «Сярэдняя школа № 2 г.п. Карэлічы» Вікенцій Браніцкі, які паведаміў аб зменах у навучальнай установе за апошнія гады, галоўная з якіх — пераход на працу ў адну змену.
Начальнік аддзела адукацыі Карэліцкага райвыканкама Ірына Асташэвіч у сваёй прамове спынілася на пытаннях сацыяльнага партнёрства, павелічэння заработнай платы педагагічных работнікаў, арганізацыі вучобы прафсаюзнага актыву, ахове працы, кантролю за харчаваннем, гарантыях занятасці і сацыяльных гарантыях. «З увагай і клопам стаўцеся да маладых кадраў. Вазьміце пад кантроль працу і жыллё. Спалучэнне маладосці і вопыту дае добрыя вынікі», — адзначыла Ірына Валер’еўна.
У правядзенні канферэнцыі прыняла ўдзел старшыня абласной арганізацыі прафсаюза галіны Лела Шпак. Абласны лідар дала станоўчую адзнаку рабоце прафсаюзнай арганізацыі, звярнуўшы ўвагу прысутных на пытанні аплаты працы, работу з моладдзю, аздараўленчы і турыстычны накірункі. Што датычыць інфармацыйнай дзейнасці — паказваць, чым жыве прафсаюзная арганізацыя.
Лела Шпак прапанавала на пасаду прафсаюзнага лідара галіны адукацыі раёна Ірыну Кучко. Гэтую кандыдатуру падтрымала і начальнік аддзела адукацыі райвыканкама Ірына Асташэвіч, адзначыўшы яе маладосць, ініцыятыўнасць, уменне быць патрабавальнай да іншых.
Старшынёй Карэліцкай раённай арганізацыі Беларускага прафесійнага саюза работнікаў адукацыі і навукі выбрана Ірына Сяргееўна Кучко, яе намеснікам — Ала Канстанцінаўна Калеснік.
Выбраны раённы камітэт, прэзідыум, рэвізійная камісія, дэлегаты на ХХVІІ справаздачна-выбарчую абласную канферэнцыю галіны і справаздачна-выбарчую канферэнцыю Карэліцкага раённага аб’яднання прафсаюзаў, а таксама аднагалосна вырашана пытанне павесткі дня аб дэлегіраванні прадстаўнікоў у састаў Савета Карэліцкага раённага аб’яднання прафсаюзаў.
Галіна СМАЛЯНКА
Фота Святланы МАЛАХВЕЙ
