Калі ўлічыць тое, што большую частку часу навучэнцы праводзяць у школе, то паўнавартасна харчавацца ва ўстановах адукацыі вельмі важна. Юнкоры дзяржаўнай установы адукацыі “Лукская сярэдняя школа” падрыхтавалі спецыяльны рэпартаж са сталовай роднай альма-матэр і, вядома, выказалі сваё меркаванне аб школьным меню.
Што ж такое школьная сталовая? Гэта месца, дзе вучні не толькі абедаюць. Тут яны сустракаюцца, маюць зносіны, абмяркоўваюць важныя пытанні. Таму і абстаноўка, і ежа павінны быць на высокім узроўні. А яшчэ важна, каб было не толькі смачна, але і карысна. І, як паказала апытанне вучняў 5-11-х класаў і настаўнікаў, сталовая Лукскай сярэдняй школы спраўляецца з гэтай задачай на «выдатна».
Прайшоўшы шлях ад стандартызацыі да ўкаранення інавацый, сістэма харчавання школьнікаў сёння ўяўляе гнуткую мадэль, якая паспяхова спалучае ў сябе традыцыйныя падыходы да якасці і сучасных тэхналагічных рашэнняў. Асноўны вектар развіцця – гэта стварэнне сістэмы, якая не толькі насычае, але і фарміруе ў падрастаючага пакалення культуру здаровага харчавання.
На перапынку мы спяшаемся ў сталовую. Тут зручныя сталы і крэслы, а галоўнае – вельмі смачна кормяць. Сёлетняе меню – гэта далёка не кашы і катлеты. Падыход да яго складання стаў абгрунтаваным: збалансаванасць і чысты склад. Робіцца акцэнт на зніжэнне колькасці цукру, солі і штучных дабавак. Шырока выкарыстоўваюцца прадукты беларускай вытворчасці: мяса птушкі, ялавічына, свініна, сезонная гародніна. Повары сталовай Трыбуць В.С, Максімава А.І., кухонны работнік Глябовіч Т.І. паспяхова асвойваюць новыя стравы, адаптаваныя пад дзіцячы рацыён. Разнавіднасцяў страў вялікая колькасць: салаты, курыныя і рыбныя нагетсы, катлеты, бульбяное пюрэ, тэфтэлі, плоў, каша і г.д. Падаюць розныя сокі, чай, кампот. Усё так смачна, што вылучыць асобную страву проста немагчыма.
Сёння мы раскрыем таямніцы нашых павароў і раскажам, якія прадукты і стравы ў школьнай сталовай самыя папулярныя. Так, са слоў прафесіяналаў, сярод смакавых пераваг вучняў нашай школы – аладкі, нагетсы, пюрэ, катлеты. Зразумела, што самай папулярнай гароднінай з’яўляецца бульба. Без яе не былі б настолькі смачнымі і пажыўнымі капуста, супы, аладкі, запяканка, якія, дарэчы, любяць як вучні, так і настаўнікі. Сярод каш лідзіруе грэчневая. Вядома ж, да яе ідэальна падыходзяць катлеты са свініны.
Вучні 6 класа адзначаюць, што ў сталовай заўсёды ўсе стравы згатаваныя смачна, ім падабаюцца курыныя нагетсы і салата са свежых агуркоў і памідораў. Рабяты таксама адзначылі, што ва ўстанове адукацыі праходзяць “Тыдні здаровага харчавання” і “Урокі густу”, на якіх вучняў вучаць асновам правільных харчовых паводзін.
Разам з тым, усе школьнікі мараць аб булачках і кексах. Але не варта забываць, што булачка і бутэрброд ніколі не заменяць паўнавартасны абед. А ў нашай сталовай ён сапраўды гарачы, карысны і насычаны вітамінамі. І ў гэтым заслуга персаналу, які шчыра зацікаўлены ў выніку сваёй працы.
Сёння школьнае харчаванне – гэта не толькі проста паслуга, а важнейшы элемент адукацыйнага асяроддзя, накіраваны на захаванне здароўя і выхаванне новага дасведчанага пакалення.
Каардынатар сайта школы Куканава К.Р., юны карэспандэнт, навучэнка 6 класа Марэцкая Паліна.
