1 сакавіка штогод адзначаецца Міжнародны дзень барацьбы з наркотыкамі. Асноўная яго мэта – звярнуць увагу грамадства і асабліва моладзі на шкоду наркатычных рэчываў і акцэнтаваць увагу на тым, як важна быць побач з чалавекам, які трапіў у наркатычны палон, але вырашыў вырвацца з яго.
Цыкл мерапрыемстваў у рамках Міжнароднага дня барацьбы з наркотыкамі адбыўся ў бібліятэках ДУК «Карэліцкая раённая бібліятэка».
Карэліцкая раённая бібліятэка прапанавала падлеткам тэматычны вечар «Наркаманія – хвароба века».
На мерапрыемства запрошаны оперупаўнаважаны групы наркакантролю і процідзеяння гандлю людьмі Маковік Дз.М., урач – нарколаг Карэліцкай цэнтральнай раённай бальніцы Лічык А.І., благачынны царквей Карэліцкай акругі протаіерэй Мікалай Орса.
Гаворка вялася пра небяспеку, якая нясе ўжыванне наркатычных сродкаў моладдзю і падлеткамі, пра тое, чым пагражае гэта з’ява дэмаграфічнаму стану краіны, як змагаецца грамадства з наркатычнай хваробай. Таксама высветлілі, што гэта за хвароба, дзе і калі ўпершыню зарэгістраваны хворыя. Не абышлі ўвагай і знакамітых людзей, якія загінулі з-за нарказалежнасці. Прагучала інфармацыя пра угалоўную адказнасць за захаванне, збыт і ўжыванне наркатычных рэчаў. Затым гутарка мела выгляд пытанне – адказ: што мы ведаем пра наркотыкі, што значыць жыць побач з чалавекам, які ўжывае наркотыкі. Моладзь задавала шмат пытанняў і самі выказваліся на тэму.
Аб маральным аспекце праблемы наркотыкаў і іншых шкодных звычак з маладымі людзьмі паразважаў благачынны Карэліцкай акругі протаіерэй Мікалай Орса.
Гадзіна – роздум “В плену иллюзий” ладзілася Варанчанскай СБ. Наведвальнікі мерапрыемства, навучэнцы мясцовай школы, абмяркоўвалі праблему наркаманіі, разважалі над яе прычынамі і наступствамі.
У Цырынскай СБ сумесна з мясцовай школай праведзены флэш-моб «Мы-супраць наркотыкаў», дзе члены валанцёрскага атрада правялі міні-акцыю «Стоп, спайс».
Гутарка — відэапрагляд «Это не должно случиться с тобой!» адбылася ў Райцаўскай сельскай бібліятэцы. Бібліятэкар імкнулася дапамагчы падлеткам зразумець, наколькі небяспечныя наркотыкі.
Жухавіцкая сельская бібліятэка сумесна з мясцовым Домам культуры правялі інфармацыйную панараму «Наркомания: миф и действительность». Прысутныя пазнаёміліся са статыстычнымі данымі па Беларусі.
Супрацоўнікі Мірскай гарпасялковай бібліятэкі запрасілі моладзь на сутрэчу — дыспут «Наркотык: ці варта яму давяраць?». У ходзе мерапрыемства з моладдзю абмяркоўваліся пытанні: што такое наркотыкі і як яны ўплываюць на здароўе чалавека, механізм узнікнення наркатычнай залежнасці (першыя яе прыкметы), партрэт наркамана, фарміраванне навыкаў адмаўлення ад наркотыкаў, а таксама якую чалавек нясе крымінальную адказнасць за ўжыванне наркотыкаў. У напамін аб сустрэчы ўдзельнікі атрымалі памяткі, закладкі і інфармацыйныя буклеты з серыі «Прафілактыка шкодных звычак».
Амаль кожнае выступленне суправаджалася паказам слайдаў і відэафільмаў, ладзіліся кніжныя выставы з тэматычнымі падборкамі літаратуры, праводзіліся бібліягрыфічныя агляды і дыскусіі пад агульным дэвізам “Новы стыль жыцця – здаровы”.
Наталля КАЗАРЭЗ, метадыст
ДУК «Карэліцкая раённая бібліятэка».
